Dêrê Surp Giragos yê armenîyan ê Amedî de Roşanê Paskalya ame pîrozkerdene. Ayîn de mesajê aştî û cuya hempare yê şaran vejîya vernî.
Amed ke mêmandarîyê bawerî û kulturanê cîyayan keno, ewro Dêrê Surp Giragos yê armenîyan seba roşanê paskalya merasimêko dinî ame viraştene. Ayîn o ke hetê rîsipîyanê dêrê ra ame rayraberdene, mesajê aştî û cuya hempare yê şaran vejîya vernî.
Merasim bi kincanê dinî yê taybet û bi rîtuelanê tarîxî dest pêkerd. Tewlî komelê armenî yê şaristanî, rayber û endamê Partîya Têduştî û Demokrasî ya Şaran (DEM Partî) û Partîyanê Herêmanê Demokratîk (DBP) zî tewrê merasimî bîyî. Heyetê partîyan bi eşkerayîyê xo bale ante serê muhîmîya pawitişê zafrengîya kulturî yê Amedî û roşanê Paskalya ro komelê armenî pîroz kerde.
Badê merasîmê dinî, hewşê dêrê de goreyê adetî ra hakê rengini ameyê vilakerdene. Kesê ke tewrê pîrozkerdişê na roja tarîxî bîyê kêfweşîya xo ard ziwan û dîyar kerd ke gandarkerdişê nê rîtuelan, tewlî temsîlkaranê sîyasî û sazgehê sivîlî, hêvîyê seba aştî xurtêr kenê. Merasim badê diayan bi tavistişê mûman qedîya.
