Denîz Guzel o ke 33 serrî ra pey hepisxane ra vejîya, Amed de hetê keyeyê xo û TUAY-DER’î ra ame pêşwazîkerdene.
Denîz Guzel (53) 21ê tebaxe de Hepisxaneyê Tîpê F ê Ewlekarîya Berze yê Bolu ra amebi veradayene, ame Amed. Denîz Guzel bi pêşengîya keyeyê xo û Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) û Komela Keyeyanê Girewteyan reyde Piştgirî (TUAY-DER) bi girseyî amae pêşwazîkerdene. Keyeyê Guzelî, Komela MEBYA-DER, Dayîkê Aştî û xeylê kesî beşdarê pêşwazîkerdişî bîyê. Girse sloganî “Bijî berxwedana zindanan” berz kerd û bi çîçegan Denîz Guzelî pêşwazî kerd. Denîz Guzel borane firnaye û şi mezela birayê xo Yavuz a Goristanê Yenîkoyî yê qezaya Rêzanî.
Denîz Guzel serra 1992 de Çewlig de ame destbendkerdene û cezaya muebedî ey rê ameye dayene. Denîz Guzel serra 2022 de cezaya ey qedîyaye û ganî biameyêne veradayene la veradayîşê ey hetê Lijneya Îdare û Çimdarîye ya Hepisxaneyî ra ame astengkerdene û 3 serrî veradayîşê ey amae taloqkerdene. Guzel 33 serrî ra pey ame veradayene.
