Berpirsîyarê Weşanxaneyê Vateyî û Endamê Grûba Vateyî Denîz Gunduzî seba Şewa Kirmanckî venga şarê Amedî da “Ma şima hemînan dawet kenê şewa xo. Bêrê ma pîya na şewe, bi ziwanê xo pîroz bikerê”
Endamê Grûba Vateyî Denîz Gunduzî seba Şewa Kirmanckî (Zazakî) ya ke siba (21 Sibate) saate 17.30 de dest pêkena vengdayîş kerd.
Denîz Gunduzî Roja Ziwanê Dayîke ya Dinya heme kesan rê firaz kerd û wina va: “Seba 21ê Sibate Roja Ziwanê Dayîke ya Dinya şewêka serkewte ameya amadekerdene. Na şewa ma hetê Weşanxaneyê Vateyî, Grûba Xebate ya Vateyî, Morceleyê Kirmanckî û Şaredarîya Amedî ya Şaristanê Girdî ra ameye organîzekerdene.
Na şewe de Celo Boluz, Derya Cengîz, Eylul Nazlier, Xoser Rayîrwan, Wusar muzîsyenê ma beştar benê ebe kilamanê xo.
Bedrîye Topaç, Omer Barasî, Îdrîs Yazar û Mem Keleş Çiçek do ma rê şîîran biwanê. Ma şima hemînan dawet kenê, silayîye ma seba şima hemînan a. Bêrê ma pîya na Şewa Kirmanckî, bi ziwanê xo pîroz bikerê, fîraz bikerê.”
21ê Sibate
Ca: Çand Amed (Salona Merkezê Kulturî ya Sezaî Karakoçî) – Amed
Kokteyl: 17.30
Pirogram: 19.00
