DEM Partî Îstanbûl de bi rêxistinê elewîyan ra pîya panelê ‘aştîye’ virazenê.
DEM Partî û Konfedarasyonê Yewî yê Elewî yê Ewropa (AABK), Federasyonê Alevi, Bektaşî (ABF), Komeleya Kulturê Pîr Sultan Abdalî (PSAKD), Weqfê Kulturê Anatolya yê Haci Bektaş Velîyî Bakirkoyê Îstanbulî de bi nameyê “Elewîyî aştî qise kenê” panelêk virazenê.
Salonê panelî ra pankartê “Welatijo seyyewbînan, aştî, edalet, demokrasî, laîkîyeyî”, “Sûrîye de verba Qirkerdişê Elewîyan vaje vind”, “Kesê merdimeyî hes kenê, hetê aştî de yê/tena zalim kişeno merdim/wa eşqê aştî vila bibo dinya/wa dinya de gogerşîna aştî bifirîyo” elaqnayê.
Hemserekê DEM Partîye Tulay Hatîmogullari û Tuncer Bakirhan û zaf hûmarî de temsîlkarê sîyasî, sazî û dezgeyî beşdar bîyê.
Panel de Hemsereka DEM Partîye Tulay Hatîmogullari qise kerd û va ke çi heyfo ke Sûrîye de Turbeya El Xasîdîyî rijnayê, qirkerdişê elewîyan domyeno û no ser ganî her kes vengê elewîyan bibo û wina va: “Ma ferq kenê ke no destiladar, rejîmo esteyin goreyê xo şuxulneno. Şarê kurd şarêko polîtîk o, wayîrê rêxistin o. Eke DEM Partîye aştîya bêrûmet qebul biko do şarê kurd qebûl nêko. Birêz Abdullah Ocalan pêvînayişo diyine de bi aşkera va ‘bê muxalefetî aştî nêbeno.’ Hewna pêvînayiş de Birêz Ocalan va ke ‘çareserîya problemê elewîyan do heme problemê bawerî û welatijan çareser bikero. No ser ez bi makeqanûnêko demokratîk wazena, heqê heme şaran do binê ewleyî biga.’ Mi waşt xususî şima reyde bar bika.”
Rêxistinî her çikî rê çare yo
Hemserekê Tuncer Bakirhan aşkera kerd ke her roj elewîyan rê hêriş yeno kerdene, ê na rewşe qebûl nêkenê û wina va: “Ma zemînetê wertaxî yê têkoşînî yê. Kurd û elewî nê 100 serrê ke yeno înkarkerdene. No ser ganî ma bi wertax xover bidê. Ma tena welatijo seyyewbînanîya kurd ra behs nêkenê, Birêz Ocalan ser welatijo seyyewbînanî rê vindeno. No ser na pêvajoye ra ganî welatijê ma yê elewîye zî wa beşdar bibê. Kurdan Îmrali de zî DEM Partî de zî seba çareserîye têkoşîn danê. Ma Mereş û Sêwaz de elewî yê, ma Haci Bektaş de xobixo elewî yê. Tirkîyaya demokratîk, laîk û sekuler rê ser ma têkoşînê xo domnenê.”
Elewîyan ra veng
Bakirhan destnîşan kerd ke ê vengdayişê komelî yê elewîyan kenê û wina qedîna: “Ma seba ke tena seba xo fikrîyayê û problemê xo reyde mijul bîyê, ma ameyê na rewşe. Eke ma do yew bibê, Tirkîya de qeweto tewro gird kurd û elewî do bibê. Êdî ma polîtîkayê asîmîlasyonî qebûl nêkerê.”
