DBP’yî serrgêra şorişê Rojava de eşkerayîyêk nuştekî pare kerde û eşkerayî de wina ame vatene: “wextêko netew dewletan bi netewperestî û mezhebperestî Rojhelatê Mîyanên kerd warê gonî û krîzan, Rojava bi stratejîya ‘Raya Hîrêyine’ ke netewa demokratîk esas gêna, seba pêroyê herême bîya nefes. Bi paradîgmaya ‘Cinîya azade cuya ekolojîke û komelo demokratîk’ seba heme krîzanê Rojhelatê Mîyanênî tekane çarenûsê aştîye pêşkeş keno.”
Eşkerayîya DBP’yî wina ya:
Sey Partîya Herêmanê Demokratîkan; her çî ra verî ma bengînanê ke no şoriş aferna, pîl kerd û pawit bi rêzdarî û minet anê vîrê xo. Bêguman, oyo ke Şorişê Rojawanî bêemsal keno, têna destkewteyî nê, heman dem de taybetîyê ey yê afirîner ê karakterîstîk ê. Bitaybetî; “Şorişê Cinî” yo ke îradeyê cinîyan azad kerd, afernayoxa şorişî û ruho enternasyonalîsto ke şaranê dinya têkoşînê hemparî de ano têhet, bî sebeb ke; seserra 21. de Rojawan tecrubeyanê tewr orîjînalan ê şorişan ra yew beno.
No proseso ke netewe-dewletan bi neteweperestî û mezhebperestîye Rojhelato Mîyanên kerd wareyê gonî û krízan, Rojawan bi stratejîya “Rayîro Hîrêyin” o ke Neteweya Demokratîke esas geno, pêro herême de helm bî. Bi paradigmaya “cinîya azade, cuya ekolojîke û komelo demokratîk” seba heme krîzanê Rojhelatê Mîyanênî tekane çarenûsê aştîye pêşkeş keno. Seba ke Sûrîye de çareserîyêka demokratîk û mende dekewo merîyet, çarenûs encax bi naskerdişê statuyê fermî û sîyasî yê Îdareyê Xoserî yê Bakur-Rojhelatê Sûrîye mumkun o. Formulêko ke statuyê Rojawanî nas nêkeno, îradeyê xoîdarekerdişê şaran çin hesab keno, caro nêeşkeno aştîye bivirazo. Demokratîkbîyayîşê Sûrîye encax bi entegrasyonêko demokratîk goreyê esasanê qanûnîyan bi pawitişê modelê Rojawanî mumkun o. Nê warî de pawitişê destkewteyanê Rojawanî; vera yewperestîye zafêrîye, vera teslîmîyetî pawitişê azadî û vera ferasetê bendeyîye zî pawitişê azadîya cinîyan o. Ma nêzdîbîyayîşê vera Rojawanî sey kaxiza tûrnûsolî vînenê. Êyê ke qalê aştî, têduştî, edalet û demokrasî kenê, bengînîya înan bi nêzdîbîyayîşê Rojawanî şênber kena. Wa nêro xovîrrakerdene ke; vera înkar, tecrîd û polîtîkayanê hêrişkaran vejîyayîş gamanê tewr bingeyîyan ê sazkerdişê aştî û demokrasîyê kurewî û herêmî ra yew o. Nê semedî ra zî wayîrvejîyayîşê destkewteyanê Rojawanî, wayîrvejîyayîşê israrî yê aştî û îradeyê komelê demokratîkî yo.
Bi na qerardarîye, serrgêra ey de ma yewna Şorişê Rojawanî fîraz kenê, mîrasê têkoşîn ú hêvîya ke bi nê şorişî aferîyaye silam kenê.
