Şaredarîya Amedî ya Şaristanê Girdî (DBB), seba şarî ke wazenê warê kultur û hunerî de xo aver berê, programê kursanê bêpereyan organîze kena. Muracatî ke do heta 31ê çileyî dewam bikerê, dismek.org.tr ser o do bêrê kerdene.
Serekîya Daîreya Karê Kultur û Komelkî, seba kesê ke wazenê warryê kultur û hunerî de xo aver berê, programê kursan amade kerd. Kursê ke tîyatro ra heta muzîkî, sînema ra heta huneranê vînayîşî, musayîşê ziwanan ra heta govende zaf qadan de yenê pêşkêşkerdene, do îmkan bidê beşdaran ke hunerê xo keşif bikerê û aver berê.
Hunerhesê her emrî do bêrê têhet
Kursê ke do hetê perwerdekaranê pisporan ra Merkezê Kultur û Kongre yê Çand Amedî de bêpere bêrê organîzekerdene, do hunerhesê her emrî bîyarê têhet. Program ke îmkanê musayîşî zaf qadan de dano, sey hunerê sahne, resim, govend, sînema û ziwan, hedef keno ke hem averşîyayîşê şexsî hem zî kulturê komelkî rê hetkarî bikero.
Kontenjanî sinorkerde yê
Seba ke kontenjanî sinorkerde yê, muracatê verênî muhîm ê. Kesê ke wazenê beşdarê kursan bibê, do bieşkê mabênê 6-31ê çileyî de dismek.org.tr ser ra muracatê xo bikerê.
