Cinîyê TJA’yijî seba ke beşdarê rayîrşîyayîşo ke do bi sloganê “Ma bi hêvî ver bi azadîye rayra şonê” seba azadîya Rayberê Şarê Kurdî Abdullah Ocalanî bêro kerdene, bibê, ver bi Amed rayîr kewtê.
Têgêrayîşê Cinîyanê Azadan (TJA), seba azadîya Rayberê Şarê Kurdî Abdullah Ocalanî do siba Amed ra ver bi Anqara bi sloganê “Ma bi hêvî ver bi azadîye rayra şonê” rayîrşîyayîş bikero. Cinîyê Wanî seba ke beşdarê rayîrşîyayîşî bibê, ver bi Ame rayîr kewtê. 40 hebî cinî awanîya Partîya Têduştî û Demokrasî ya Şaran (DEM Partî) a Wan de kom bîyê û heta Parka Musa Anterî rayra şîyê û uca de weniştê erebeyan. Cinîyan sloganê “Bijî Serok Apo”, “Bê Serok Jîyan Nabe” û “Jin Jîyan Azadî” vatî. Tîya de vilikê sûrî cînîyanê ke do beşdarê rayîrşîyayîşî bibê, înan rê ameyê dayene û 40 cinî bi tilîlîyan ameyê oxirkerdene.
