Dewleta Tirke bi hêrîşanê xo yê SÎHA’yan Vakur-Rojhelatê Sûrîye û Herêma Federe ya Kurdistane de 6 aşmanê peyênan de 77 kesî ameyê qetilkerdene û mabênê înan de gedeyî zî est ê
Hêrişê Tirkîya û paramilîterê SMO ke a paştî dana ci, Îdareyê Otonomî yê Sûrîyeya Bakur û Rojhelatî ser o, hewa û erdî ra dewam kenê. Tirkîya bi Wesayitê Hewayî yê Bêpilot ê Çekdarî (SÎHA) cayê roniştiş ê sivîlan bomba kena. Hêrişanê SÎHA’yî de ke mabênê 2-9ê Kanûne de bajaranê cîya-cîyayan ê Îdareyê Otonomî ser o bîyî, zafane doman û cinî 41 kesî ameyê qirrkerdene.
6 aşmanê peyênan de hêrişanê SÎHA’yî yê ke Sûrîyeya Vakur û Rojhelat û Herêma Federe ya Kurdistanî ser o bîyî de tewr tayî 77 kesî ameyê qirrkerdene.
18ê Temmuze – 10ê Kanûne de Hêrişanê SÎHA’yan ra kesê ke ameyê qirkerdene:
* 18ê Temmuze de nahîyeya Şêladizê ya qezaya Amêdîyê ya Duhokî ser o hêrişî de ke qewmîyayî, welatîyê bi nameyê Osman Mîrweysîye cuya xo vindî kerde.
* 23ê Tebaxe de qezaya Seyîdsadiq a Silêmanîye de erebeya ke rojnamegerê Kurdî tede bîyê ameyê hedefgirewtene û rojnamegerî Gulîstan Tara û Hêro Bahadîn ameyê qirrkerdene.
* 28ê Tebaxe de Taxa Enterîye ya Qamişlo de hêrişê ke bî û Xalîde Mihemed Şerîf (40) û lajê aye Ednan Silêman (24) ameyê qirrkerdene.
* 4ê Êlule de qezaya Dukan a Silêmanîye de hêrişo ke yew erebe ser o bî, pî û 2 lajê xo cuya xo vindî kerde. Eynî roje bajarê Qamişlo de hêrişê ke bî û endamê QSD’yî Dijwar Qamişlo (Metîn Dînç) cuya xo vindî kerde.
* 5ê Êlule de Şarbajêra girêdayeya bajarê Silêmanîye de 3 kesî ke înan ra yew doman bî û eynî keyeyî ra bî, ameyî qirkerdene.
* 5ê Teşrîna Verêne de hêrişê SÎHA’yî de endama YPJ’yî Jînda Cûdî cuya xo vindî kerde.
* 24ê Teşrîna Verêne de Qamişlo, Tirbespîyê, Amûdê, Dêrik, Rimêlan, Til Temir, Kobanê, Eyn Îsa û Kantona Efrîn-Şehbayî de hêrişê bîyî û 12 sivîlî ke înan ra 2 doman bîyê cuya xo vindî kerde, 27 sivîlî birîndar bîyê.
* 10ê Teşrîna Peyêne de Şengal de yew erebe ameye bombakerdene, yew kes cuya xo vindî kerde.
* 22-25ê Teşrîna Peyêne de Şengal de peynîya hêrişan de 6 endamê YBŞ’yî cuya xo vindî kerde.
* 2ê Kanûne de rayîrê Qamişlo-Hesekê de erebeyêk ser o hêrişek bî û Ezîz Selahedîn Şêxo cuya xo vindî kerde.
* 4ê Kanûne de bajarê Dêrikî de hêrişê ke bî 2 kesî cuya xo vindî kerde, 2 kesî zî birîndar bîyê.
* 8ê Kanûne de dewa El Mustareha ya Eyn Îsa de hêrişî de ke qewmîyayê, 12 sivîlî ke zafê înan cinî û doman bîyê, ameyê qirkerdene.
* 9ê Kanûne de dewa Kuneftarî ya Kobanê de êrişê de ke bîyê, 2 domanî ameyê qirrkerdene. Eynî roje rojawanê Eyn Îsa de bomberdîmanê SÎHA’yî de 15 eskerê rejîmî cuya xo vindî kerde. Hêrişo ke Zirgan ser o bî, yew sivîlî cuya xo vindî kerde, 2 kesî zî birîndar bîyê.
* 10ê Kanûne de Eyn Îsa de 8 kesê ke eynî keyeyî ra bîyê, ameyê qirkerdene.
DONEYÊ RÊXISTINA HEQANÊ ÎNSANAN A SÛRÎYE
