Amed û dormeraya ci de her ke şona bîyayişê dekupîyayişî (obruk) zêdîyenê. No teluke zî awanîya karstîkî, kewtişê sewîyeya awe ser o zêdîyenê.
Şaristanê Tirkîya yê 16î de telukeyê awanîya karstîkî û kewtişê sewîya awe ser o her ke şono bîyayişê dekupîyayişî zêdîyeno. Xususû dekupîyayişan Deşta Konya, Hawzaya Gola Solîne, Anatolyaya Başûrê Rojhilatî, şaristanê Amed û Êlihî de virazîyenê. Hem awanîyê xozayî hem zî faalîyetê merdimî no teluke zêdînenê, no ser pîsporan vanê ke ganî şuxulnayişê awe û awanîyê xocayî newe ra bêrê dîzaynkerdiş.
Goreyê xebera Rojnameyê Guneydogu Expresî pîsporan seba Amed zî hîşyarî dayê, çimkî dormeya Amedî de xetê fayî zaf ê û şuxulnayişê awe zî her ke şono zêdîyeno.
Nê şaristanan binê telukedeyî de;
- Anatolyaya Mîyanênî: Konya, Aksaray, Karaman, Nevşehîr, Yozgat
- Antolyaya Başûrê Rojhilatî û Anatolyaya Rojhilatê (Şaristanê Kurdistanî): Amed, Êlih, Riha û Bedlîs, Erzirom û Sêwaz
- Anatolyaya Rojawanî: Eskîşehir, Afyonkarahîsar, Denîzlî, Manîsa
- Bahra Sîya: Çorum
Dekupîyayiş senî virazîyeno
Dekupîyayiş, binê erdî de bi awe hêliyayişê kerra kîreçî, dolomîtî ser o virazîyeno.
Tirkîya de tewro zaf dekupîyayişêkî yenê zanayiş
Konya de Dekupîyayişê Kizorenî, Mersîn de Dekupîyayişê Cennet û Cehennemî, Kirşehîr de Dekupîyayişê Mucurî.
