Seba 49 cangorîyanê Têgerayîşê Azadîye yê Kurdî yê ke tarîxanê cîyayan de cuya xo ra bîyî, Parka Koşuyolî de şîn ame ronayene. 49 cangorî bi marşê ‘Çerxa Şorişî’ û sloganê “Şehîdî nêmirenê” û “Biciwîyo Serek Apo” ameyê vîrardene.
Bi pêşengîya MEBYA-DER’î ya Amedî, Amed de seba 49 cangorîyanê Têgerayîşê Azadîye yê Kurdî yê ke tarîxanê cîyayan de cuya xo ra bîyê, Parka Koşuyolî ya Amedî de şîn ame ronayene. Keyeyê cangorîyan, parlamenterê DEM Partî, endam û rayberê partîyanê sîyasî û temsîlkarê sazgehanê komelkî, çadira şînî de ca girewt. Masayêke çadire de ameyê ronayene ser o fotografê 49 cangorîyan û gulî ameyê ronayene. Şar bi girseyî, bi sloganê “Şehîdî nêmirenê” zîyaretê şînî keno.
Sewbîna seba vîrardena endamanê têgêrayîşî yê tarîxî û cayê cîya yê têkoşînê azadîye de cuya xo ra bîyî, qezaya Farqîn, Bismil û Xana Axparê yê Amedî de, 6 merkezan de şîn ameyo ronayene. Badê şînî ke do 3 rojî dewam bikero, do programê vîrardişî bêro viraştene.
