Ewro serê sibayî polîsan Amed de eşt xeylê keyeyan ser o û bi baxaneyî ke tewrê rayîrşîyayîşî bîyê 3 ciwanî destbend kerdê.
Xeylê şaristananê Kurdîstan û dinya de vera hêrişanê çeteyanê HTŞ û SMO’yî çalakîyê nerazîbîyayîşî yenê kerdene. Vera çalakîyanê şarî hêrişê polîsan zî vêşî benê. Ewro serê sibayî bi baxaneyî ke tewrê çalakîyan bîyê, polîsan qezayanê Yenîşehîr û Rêzanî de eşt keyeyan ser o.
Nameyê destbendkerdeyan wina yê
Sereştişê keyeyan de ciwanê bi nameyê Baran Aykol, Aysun Çelîk qezaya Rêzanî de, Nîhat Yîgît qezaya Yenîşehîrî yê Amedî de ameyê destbendkerdene. Yeno zanayene ke hûmara destbendkerdeyan do hîna zaf biba.
