Serekkomarê Demkî yê Hukmatê Sûrîye Ahmed el-Şara, seba tewrbîyayîşê Forumê Dîplomasî yê Antalya yo 5. (ADF2026) ame Tirkîya. No zîyaret wextêko winasîn de beno ke herême û Sûrîye de hemsencîyê neweyî yenê munaqeşakerdene.
Ahmed el-Şara şewa bîne resa şaristanê Antalya û hetê Wezîrê Karanê Teberî yê Tirkîya Hakan Fîdanî ra ame pêşwazîkerdene. Ame eşkerakerdene ke her di hetan yew pêvînayîşo rî bi rî kerdo labelê derheqê tedeyîyanê nê pêvînayîşî de heta nika tu detayî raya pêroyî reyde nêameyê parekerdene.
Rojevê Forumî dîplomasî yo
Yeno pawitene ke çarçewaya Forumî de, Şara xeylê dîplomat û lîderanê mîyaneteweyîyan reyde bêro têhet. Babetê sereke yê ke rojevê heyetê Sûrye de yê; newera awankerdişê welatî, ewleyîya herême û têkilîyê cîranan reyde yê.
Nê zîyaretî de Şara, qada mîyaneteweyî de sey yew gama muhîm a dîplomasîyê Sûrîye yena erjnayene. Reyna yeno pawitene ke ADF2026î de derheqê ameyoxê Sûrîye yê sîyasî de mesajê muhîmî bêrê dayene.
