Goreyê daneyanê ke Rêxistina HRANA’yî kom kerdê, çalakîyanê Rojhelatê Kurdîstan û Îranî de 6 hezar û 872 kesî ameyê kiştene û 50 hezar û 553 çalakîkerî ameyê destbendkerdene. Sewbîna hezar û 21 çalakîkerî zî birîndar bîyê.
Ame dîyarkerdene ke mîyanê kesanê de ke ameyê kiştene 156 gedeyî est ê, 214 kesî endamê hêzanê rejîmî bîyê, 109 wendekarê unîversîte bîyê, sewbîna 59 kesî zî welatijê ke tewrê çalakîyan nêbîyê, bîyê.
Goreyê daneyanê ke HRANA’yî eşkera kerdê 11 hezar û 46 kesî seba girewtişê îfadeyî dezgehanê ewlekarî yê rejîmê Îranî vengdayo înan, teberê nînan ra 307 qeydê îtîrafî bizorî ameyê vilakerdene.
