Rûsya û Ukrayna do Cenevre de binê çimdarîya Amerîka de pêvînayîşan bikerê.
Rayedarê Ukrayna û Rûsya ewro û siba do Cenevre de binê çimdarîyê Amerîka de pêvînayîşan bikerê. Pevînayîşanê di rojan de do dosyayanê erdan ê ke înan ser o pê nêameyê munaqeşa bikerê.
Seba şer vindero tedayê Serekê Amerîkayî Donald Trump ê Ukrayna û Rûsya ser o dewam kenê. Sewbîna zî serekê Ukrayna Volodimir Oleksandroviç Zelenski vano ke tedayêka giran înan rê yena kerdene ke tawîzanê girdan bidê. No, serra 1945î ra nata Ewropa de şero tewr gird ê Rusya û Ukrayna yo.
Rûsya Ukrayna ra wazena ke se ra 20 erdê xo yê herêma Donestî ra fek verado ke keweno rojhelatê Ukrayna.
Verfekê Kremlînî, Dmitry Peskovî dîyar kerd ke ê do pêvînayîşan de problemanê sereke yê babeta erdan ser o û waştişê Rusya yê giredayê înan munaqeşa bikerê.
Ney ra ver Ebû Dabî de 2 reyî mabênê Ukrayna û Rusya de virazîyaybî. Her di hetan zî nê pêvînayîşî pozîtîf erjnabî la pratîkî de tu gamî nêameyê eştene.
