Karkerê dewlete yê ke beşanê karî yê sey perwerde û weşîye de xebitîyenê, vera zêdebîyayîşê meeşî yê %11.54 dest kar verda.
Karkeranê dewlete goreyê qerarê KESK, BASK, HUR-SEN, ASİM-SEN û Birleşik Kamu İşî ewro kar verda.
Karkerê buroyan ke saetanê serê sibayî de vera Mudirîya SGK’yî ya Pêroyî de ameyî têhet, pankartê ke ser o “Nê cayê karî de grev est o” nusîyaye bî, berê sazgehî darde kerd.
Beyanatî de vajîya ke “meeşanê hukmatî de zêdekerdişê qezencê înan eşkera yo, tena zêdekerdişê %11.54 yê heqê karkeranê dewlete û teqawudan şerm o. Ma hêzê xo kenê yew û vengê xo berz kenê vera polîtîkayanê ke ma benê feqîrîye û bêgarantîye. Ma seba ke heqê keda xo bigîrê û seba ke ma ameyoxêko hîna weş seba gedeyanê xo verdê, ma ewro cayê karî de kar verdanê û îqazê hukmatê sîyasî kenê. Çunke ma nêeşkenê debara xo bikê. Ma tîya ra eşkera kenê ke eke nê waştişê ma yê heq û meşrûyî nêrê caardiş ma do têkoşîn û piştîdayîşî hîna berz bikê û ma do meydananê welatê xo de xebatanê xo dewam bikê.”
