Îro di çapameniya cîhanê de li ser Rêveberiya Xweser û bandora Rêveberiya Xweser (Rojava) ya li ser hevsengî û ewlehiya heremê bi berfirehî kirine rojeva xwe.
Rojnameya Le Parisien ya Fransî di agahiya xwe de cih dide peyamana di 30yê Çile ya 2026an de di navbera hikûmeta Demkî û Hêzên Sûriyeya Demokratîk (HSD) de hatiye kirin. Rojname di nûçeya xwe de diyar dike ku peymana di navbera Şam û Rojava de hat kirin li qadê di nav rageşiyê de tê birêxistinkirin. Hêzên leşkerî ji ber fikar û bêbaweriyê li heremê di rewşa seferberiyê de radiwestin. Ji ber vê dibe ku ev peyman tenê li ser kaxiz bimîne.
Rojnameya Fransî ya Le Mondeyê jî îro derbarê Kurdan de du agahî weşandine. Agahiya yekemîn li ser serdana Wezîrê Karên Derve yê Fransayê Jean-Noël Barrot ya li Şam û Hewlêrê ye. Tê gotin ku Noel Barror di serdana xwe de li ser peymana di navbera Şam û HSDê de hat kirin rawestiyaye. Tê eşkerekirin ku ji ber peymanê valahiya ewlehiyê derketiye holê, heke tedbîrek ji bo vê valahiyê derketiye holê neye girtin dê li ser vê valahiyê DAIŞ xwe ji nûve birêxistin bike. Her wiha ev dê ji bo ewlehiya Ewropayê jî bibe xetereyeke mezin. Nûçeya duyemîn li ser Kampa Roj ya li Bakur û Rojhilatê Sûriyeyê ye. Tê gotin ku li vê kampê jin û zarokên çeteyên DAIŞê dimînin û di demeke nêz de pêkane ku serbest bên berdan. Tê diyarkirin ku ev jî ji bo herêmê bibe xetereyeke mezin.
The Week (ABD/Global) jî di nûçeya xwe de diyar dike ku demeke dirêji welatên Rojava û Amerîkayê di şerê li dijî DAIŞê de destek dan Kurdan û lê îro ev destek hat birîn û destkeftiyên Rojava yên siyasî û leşkerî ji ber vê di xetereyê de ye.
Her wiha News.com.au (Avustralya) dibêje, bi hezaran xwe pêşanderên Kurd li Canberrayê li pêşiya parlamentoyê çalekî kirin. Tê diyarkirin ku çalekvanan ji hikûmeta Avustralyayê xwestiye ku derbarê dîplomasiya navneteweyî de hê aktîf be û ji bo koçberên li Rojava piştgiriya mirovî bike. Ji ber zêdebûna DAIŞê jî fikarên xwe diyar kirine.
‘Entegrasyo projeyek stratejîk e’
Paradîgmaya Rêberê Gelê Kurd Abdullah Ocalan û rewşa Rojavayê Kurdistanê di çapemeniya Ereban de jî cihek girîng girt. Rojnameyên Erebî entegrasyona di navbera Kurdan û Hikumeta Demkî ya Sûriyeyê de wek gava herî girîng a li Rojhilata Navîn nirxand. Rojnameya El Ereb entegrasyona giştî ya Kurdên li Sûriyeyê wek yek ji projeyên stratejîk ên herî berbiçav a li Rojhilata Navîn pênase kir û wiha nivîsî: “Ji ber ku ew ji bo Hikumeta Sûriyeyê erka wê ya navxweyî ye û bandorên wê li ser aramiya herêmê û rola wê ya navneteweyî di krîza Sûriyeyê de hene.”
Van nûçeyên navneteweyî diyar dikin ku li herêmê nediyariyeke mezin derketiye holê. Siyaset Kurd xistiye xetereyê, derfet çêdike ku DAIŞ xwe jinûve birexistin bike û ji bo mirovahiyê ji bo herêmê û ji bo welatên rojava careke din bibe xetere û gefeke mizin. Ji ber vê tirs û fikarê xwepêşandanên Kurdên li çar parçeyên Kurdistanê û dîasporayê her diçe zêde dibin. Her wiha fikar hene ku peymana Şam û HSDê hebûna xwe tenê li ser kaxizê bidomîne.
