Seba edebîyatê kirmanckî yê nuştekî medreseyê kurdan bîyê bingeyê ziwanê nuştişî. Nuştoxê verên ê eseranê nuştekî yê kirmanckî medreseyanê kurdan de perwedeyê xo dîyo, yan zî têkîlîya xo bi nê medreseyan ê kurdan zixmazix esta.
Edebîyatê kirmanckî yê nuştekî de têsîrê perwedeyê medreseyan cayêko muhîm gêno. Medreseyê kurdan seba kurdan wezîfeyê wendegehan girewto. Yanî medreseyî seba kurdan bîyê cayê perwerdeyî.
Herçiqas nê medreseyan de perwerde zafêrî bi erebkî bibo zî, bi kurdî zî dersî ameyê dayene. Xora eserê sey mewlidan zî ancax medreseyan û der û dorê medreseyan de, tesîrê perwerdeyê medreseyan de ancax vejîyenê meydan.
Goreyê xebera ANF’î, edebîyato klasîk yê kirmancan bi nuştişê mewlidan dest pêkeno. Naye ra edebîyatê kirmanckî de mewlidî cayêko zaf girîng gênê. Reyna teberê xebatê Peter I. Lerchî reya verêna ke hetê yew kirmancî ra kirmanckî (bi nuştişê mewlidî) prosesî ziwanê fekkî ra kewta prosesî ziwanê nuştişî.
Kitabê Dînî yê ke kirmanckî/zazakî de weşanîyayê:
- Milla Cimayo Babij, Sîyerê Nebî, Weşanxaneya Nûbiharê, Îstanbul, 2009, 104 r.
- Bîlal-Feqî Çolig, Mewlîdê Peximbêr-Qey Tutonê Zazon, Dîwan Yayıncılık, Îstanbul, 2012, 24 (+19) r.
- Feqi Çolig, Tefsîrê Qur’onê Kerîm Zazakî, Astun Neşriyat, İstanbul, 2014, 605 (+15) r.
- Mehmet Akif Demir, Mewlûda Zazakî, Banga Heq, Îstanbul, 2017, 64 r.
- Osman Esad Efendî, Mewlîdo Dimilî (Zazakî), [Çapa Dîyine], Ens- tîtuya Kurdî ya Amedê, Dîyarbekir, 2007, 93 r. [Çapa yewina nê kitabî: Babij, Usman Efendîyo; Bîyîşa Pêxamberî (Mewlûda Nebî), Weşanxaneya Hawarê, Şam, 1933, 46 r.]
- Mela Mehemedê Mela Ebdulxefûrê Hezanî, Eqîdetul Îmanî (Kirdkî), Dîyarbekir, 1981, 30 r.
- Mela Mehemed Elî Hunî, Mewlid & Yusuf û Zelîxa & Qesîdeye Kerbelayî, Weşanxaneyê Vateyî, Îstanbul, 2004, 119 r.
- Mela Kamilê Puexî, Mewlidê Nebî, Îstanbul, 2003, 68 r.
- Ali Sizer, Seruven-i Mahşeri (Zazavi), Şenol Yayıncılık, 2007, 73 r.
- Mehmet Şanlı (Mela Mehemedê Hezanî), Tefsîrê Roşnayî bi Destê Mela Mehemedê Hezanî, Cild I-II, Enstîtuya Kurdî ya Amedê, Diyarbakır, 2016, 499 r.
- Mehmet Şanlı (Mela Mehemedê Hezanî), Tefsîrê Roşnayî bi Destê Mela Mehemedê Hezanî, Cild III-IV, Enstîtuya Kurdî ya Amedê, Diyarbakır, 2016, 596 r.
- Şêx Selaheddînê Şêx Se’îdî; Beyatname, [1977], 7 r.
- Ehmedê Xasî, Mewlîdê Kirdî, [Çapa Pancine:] Amadekar û Tadayîş: Roşan Lezgîn, Weşanxaneyê Nûbiharî, Îstanbul, 2013, 54 + 33 r.+ CD
- Mela Ehmedê Xasî, Mewlîd, [Çapa Çarine:] Tadayox: W. K. Merdimîn, Hîvda Îletişim, Îstanbul, [2008], 140 + 33 r.
- Mela Ehmedê Xasî, Mewlûdê Nebî, [Çapa Dîyine], Tadox (Werger) Tîpanê ‘Erebî ra: Mihanî, Fırat Yayınları, İstanbul, 1994, 54 r.
