HSD’î dîyar kerd ke hetê ra adirbestê mabênê înan û hukmatê Şamî yo demkî de dewam bikero zî hetê ra zî çeteyê ke girêdayeyê HTŞ û dewleta tirkîya herêmanê cizîr û Kobanê de hetkarîya şerî kenê.
Merkezê Resnayene yê Hêzanê Sûrîyeya Demokratîk (HSD) eşkera kerd ke hukmatê demkî amedekarîya xo ya eskerî dormeyê herêmanê Cizîrê û Kobanê zêde kenê. HSD’î eşkerayîya xo de nê çî vatî: “Her çiqas adirbest mabênê ma û hukmatê Şamî de bibo zî, hukmatê Şamî yo demkî bi şikleko sîstematîk amadekarîya xo ya eskerîye û şerî herêmanê Cizîrê û Kobanê de domneno. Nê herêman de yeno diyayene ke çeteyê ke girêdayeyê HTŞ’yî yê sewqîyatê eskerî yo sistematîk û hetkarîya lojîstîkî kenê. Bi na kerdena xo ya zelale aseno ke wazenê herême de alozîye zêde bikerê.”
‘HTŞ adirbestî pan keno’
Dewamê eşkerayîya xo de HSD’î dîyar kerd kerd ke ewro herêma Cizîre de di hêrişî vera hêzanê înan amo kerdene û wina va: “No pankerdişo zelal ê adirbestî yo. Her çiqas hêzê ma girêdayeyê adirbestî bimanê zî, hêzê ke girêdayeyê hukmatê demkîyê adirbestî ihlal kenê û hetkarîya şerî kenê.”
‘HTŞ herême tehdît keno’
HSD’î bale ante serê rîskê şerîyê ke herême verderê û nê çî vatî: “Ma veng danîme komela mîyannetevîye û hetanê eleqederan, hîna ke waxt dereng nêbîyo cehd bikerê ke Şam girêdayeyê adirbestî bimano.”
