Qezaya Wêranşarî ya Riha de bi hezaran kesî seba ke hêrişanê çeteyanê HTŞ û SMO’yî şermezar bikerê, rayirşîyayîş organîze kerd. Ciwanan bi kerreyan da polîsan dima ke waşt rayîrşîyayîşê ciwanan asteng bikerê.
Bi vengdayîşê Platformê Sazgehanê Demokratîk bi hezaran kesî qezaya Wêranşar a Riha de vera hêrişanê çeteyanê HTŞ û SMO’yî çalakîya rayîrşîyayîşî organîze kerde. Çalakî bi vatişê sloganan qedîyaye. Çalakîya ciwanan ra pey ciwanî kuçeyan ra vila bîyê û sloganê “Bijî Serok Apo”, “Bijî berxwedana Rojava” vatê.
Polîsan waşt ke ciwanan asteng bikerê. Ney ser o zî ciwanî bi kerreyan da polîsan dima. Demêko derg ciwanan polîsî dayê kerreyan ver û mabênê ciwan û polîsan de kaos vejîya. Polîsan bi gazê îsotî hêrişê ciwanan kerd. Ney ser o zî ciwanan bi kerreyan hêrişê erebeyanê polîsan kerd. Ciwanî bi vatişê sloganan vila bîyê.
