Hêzên dewleta Îranê di çalakî û serhildanên gel de 3 hezar û 919 welatî kuştin. Rejîm ji bo cenazeyan bidin malbatan îmzekirina belgeyan li malbatan ferz dike.
Li Îranê gel di 28ê kanûna 2025an de li dijî pirsgirêkên aborî li Tahranê daketibûn qadan û dest bi çalakiyan kiribûn. Çalakiyên ku li Tahranê dest pê kir, li bajarên Îran û Rojhilatê Kurdistanê belav bûn. Di 8ê çileya 2026an de li gelek bajaran gireva giştî dest pê kir û çalakî li tevahiya Îran û Rojhilat belav bûn. Rêxistina HRANAyê di derbarê binpêkirinên rejîma Îranê ya li dijî gelên Îranê de agahiyên nû parve kir. Li gor agahiyên rêxistinê belav kirine, ji destpêka xwepêşandanên ku ji 28ê Kanûna 2025an destpêkirine ve, 24 hezar 669 kes hatine binçavkirin. 3 hezar 919 kes hatine kuştin, 2 hezar û 109 kes jî birîndar bûne.
Hatiye diyarkirin ku di nava kesên hatine kuştin de 25 zarokin. Her wiha medyaya ser bi rejîma Îranê dîmenên 145 xwepêşanderan weşand ku neçar mane îtîraf bikin, daku xwepêşander wek ‘têkder’ pênase bikin. Gotin ku hîna jî gelek cenazeyên xwepêşanderan di nexweşxaneyên tiba edlî de hene. Hêzên rejîma Îranê zext li ser malbatan dikin ku bi bêdengî û şev cenaze veşêrin. Hêzên rejîmê belgeyek ku van mercan qebûl bikin û îmze bikin, didin malbatan. Ger malbatan belge îmze kirin dikarin cenaze wergirin.
