Di çarçoveya agirbesta qismî ya li taxên Şêxmeqsud û Eşrefiyê ya Helebê de, karwana ku welatiyên jiyana xwe ji dest dane û birîndaran bûne ji nexwaşxaneyan girtin û wan derbasî Bakur û Rojhilatê Sûriyeyê kirin.
Di encama agirbesta demkî ya ji bo êrişên bi ser taxên Kurdan ên li Helebê dest pêkir û şûn ve karwana ji bo piştgiriyê hatiye, welatiyên jiyana xwe ji dest dane ji taxên Şêxmexsud û Eşrefiyê ji nexweşxaneyan girtin û bi konvoyê derbasî Bakur û Rojhilatê Suriyeyê kirin. Birîndarên gihiştine Bakurê Rojhilatê Sûriyeyê dê li nexweşxaneyan werin dermankirin.
5 rojan berxwedanek bêhempa dan meşandin
Çeteyên hikumeta demkî ya Sûriyeyê ku Tirkiye wan perwerde dike, di 6’ê Çileyê de êriş li dijî taxên Şêxmeqsûd, Eşrefiyê û Benî Zêd ên dorpêçkirî dabû destpêkirin. Hêzên Ewlekariya Hundirîn ya her sê taxan 5 rojan ji bo parastina sivîlan berxwedaniyek mezin nîşan da.
Di encama êrişên çeteyan de mirî û birîndar çêbûn
Piştî şerên dijwar qewimîn, di şeva 10ê Çile ya 2026ê de agirbestek demkî di navbera Hêzên ewlekariyê ya Şêxmeqsud û Hikumeta Demkî de çêbû. Li ser agirbestê kesên li Helebê jiyana xwe ji dest dane û birîndarên bûne bi karwanekî seyareyan derbasî Bakur û Rojhilatê Sûriyê hatin kirin.
Bi girseyî hatin pêşwazîkirin
Bi sedan şêniyên Bakur û Rojhilatê Sûriyeyê jî ku bi armanca piştgiriyê ketibûn ser rêya Helebê, li deriyê bajarê Dêr Hafirê yê Tebqayê, karwan pêşwazî kirin. Saziyên Heyva Sor a Kurd ên Rêveberiya Bakur û Rojhilatê Sûriyeyê birîndaran rakirin nexweşxaneyan.
