Li Parîsê bi hezaran kes bi wesîleya salvegera kuştina sê jinên şoreşger hatin ba hev û li dijî komkujiyê meş li dar xist.
Ji bo bîranîna sê jinên Kurd ên li Parîsê hatin kuştin, bi pêşengiya TJK-E, TJK-F û CDK-Fê li paytexta Fransayê Parîsê bi dirûşma “Ji bo Heqîqetê Edalet” meş hate lidarxistin. Di meşê de Kurd û dostên wan li Parîs Gare du Nord hatin ba hev, ber bi qada Republique ve meş li dar xistin.
Dirûşma ‘Sara, Rojbîn, Ronahî’ hate berzkirin
Di meşê de Sakîne Cansiz (Sara), Fîdan Dogan (Rojbîn) û Leyla Şaylemez (Ronahî) yên ku sala 2013an hatin qetilkirin û Emîne Kara (Evîn Goyî), Mîr Perwer û Abdûrrahman Kizil ên ku sala 2022yan hatin qetilkirin, hatin bîranîn. Bi hezaran dirûşmeyên “Sara Rojbîn Ronahî, Jin Jiyan Azadî”, “Bijî Berxwedana Rojava”, “Bijî Serok Apo”, “Şehîd Namirin”, “Bijî Berxwedana Şêxmeqsûd”, “Bijî Berxwedana Eşrefiyê” berz kirin.
Kurd û dostên xwe bi hev re meşiyan
Di meşê de wêneyên Rêberê Gelê Kurd Abdula Ocalan, Sakîne Cansiz (Sara), Fîdan Dogan (Rojbîn), Leyla Şaylemez (Ronahî), Emîne Kara (Evîn Goyî), Mîr Perwer û Abdûrrahman Kizil, alên HBDH, PJAK, QSD, YPG, YPJ hatin hildan.
Hişyariya ‘bêhiquqiyê bi dawî bikin’ hate kirin
Di meşê de pankartên “From Paris to Kurdistan Youth Against Faschism (Ji Parîsê heya Kurdistanê ciwan li dijî faşîzmê ne)”, “DU SANG DE NOS MARTYRS FLEURIRA NOTE REVOLUTION (Ji xwîna şehîdên me dê şoreşa me şîn bibe)” û “Tecrîdê bi dawî bikin, bêhiqûqiyê bi dawî bikin” hatin vekirin.
