Gedeyo Kurd Resûl Kidîwerîyan yê 17 serre û birayê xo yê pîl Riza Kidîwerîyanî reyde nûmayîşanê şaristanê Kirmaşanî de bi guleyanê hêzanê leşkerî yê Îranî ameyê kiştene.
Goreyê malumatanê ke medyaya dîjîtale û herêma ra kewtê ma dest, roja 3ê çeleyî Riza Kidîwerîyan o 20 serre ke şaristanokê Dîpîne yê girêdayeyê Kirmanşanî de bi guleyanê hêzanê rejîmê Îranî wexto ke mîyanê çalakîkeran ra rayra şîyêne, ey ser o guleyî varnayî û o bi gîranî birîndar bi. Dima ke aktîvîsto kurd Riza Kidîwerîyan birîndar bi, ey berd nêweşxaneyê Taliqanîye. Riza Kidîwerîyan roja 4ê çeleyê 2026î de neweşxaneyê Taliqanîye de cuya xo vîndî kerd.
3ê çeleyî de birayê Rizayî Kidîwerîyanî, Resul Kidîwerîyan ke 17 serre bi, o zî çalakîyan de hetê hêzanê rejîmê Îranî ra ame gulekerdene û cayê çalakî de ame kiştene.
Hêzanê rejîmê Îranî şar gulebaran kerd
Goreyê çîmeyanê ke ma tira xebere girewte; her di birayan wextê çalakîyan de dormeyê Erteş ke taxa Ceiferava yê Kirmaşanî hetê hêzanê rejîmê Îranî ra bi guleyan ameyê hedefgirewtene. Badê gulebaranî hêzanê rejîmê Îranî birayo qic Resûl Kidîwerîyan gedeyo 17 serre ca de ame kiştene. Birayo pîl Riza Kidîwerîyan zî bi giranî birindar beno û ey benê nêweşxane. Riza Kidîwerîyan rojêk ra pey nêweşxane de cuya vîndî keno.
Ame zanayîş ke heta na xebere ameya parakerdene zî cenazeya her di kurdanê serewedaritox teslîmê keyeyê ey nêameya kerdene.
