Rayberê Şarê Kurdî Abdullah Ocalan mesaj erşawit Kongreya Federasyonê Cigêrayîşê Îslamî yê Mezopotamya ya Asayî ya 1. û vat: “Îslamîyeto Demokratîk, agêrayîşê ruhê Wesîqeya Medîne yo.”
Rayberê Şarê Kurdî Abdullah Ocalanî mesaj erşawit Kongreya Federasyonê Cigêrayîşê Îslamî yê Mezopotamya ya Asayî ya 1. ke bi sloganê “Îslamîyetê Demokratîkî ra Ver bi Aştî û Komelê Demokratîkî” virazîyena. Rayberê Şarê Kurdî Abdullah Ocalanî vat ke eslê îslamîyetî de azadîye, edalet û seypêyîye est ê û bale ante ser ke îslamîyeto fermî yê dewlete ke modernîteya kapîtalîste vurnayo kerdo hacetê serdestî û talanî û awanbîyayîşanê cematkî no esil vindî kerdo.
Mesajê Rayberê Şarê Kurdî Abdullah Ocalanî wina yo:
“Kongreya Federasyonê Cigêrayîşê Îslamî yê Mezopotamya rê,
Îslamîyet, eslê xo de dînê azadîye, edalet û seypêyî yo. îslamîyeto fermî yê dewlete ke modernîteya kapîtalîste vurnayo kerdo hacetê serdestî û talanî û awanbîyayîşanê cematkî no esil vindî kerdo. Îslamîyeto Demokratîk, agêrayîşê ruhê Wesîqeya Medîne yo. A peymane, peymanêka ciwîyayîşê pîyayî ya bêtedaye ua îradeyê eslî yê bawerîyanê cîyayan, şar û kulturanê cîyayan a.
Ganî bêro zanayene ke cîhado raşt, têkoşînê vera nefsê ma û zulmî yo ke bi metodê xorexnekerdiş û domdar yeno kerdene. Fehmê şûra yê îslamîyetî zî manaya aqilê kolektîf û qerargirewtişê demokratîkî yo.
Bê ke îslamîyetî bikerê hacetê sîyasîye yê dewlete yan grubêk, wa xizmetê ciwîyayîşê komelê azadî bikero ke bingeyî ra yeno rêxistinekerdene. Îslamîyeto Demokratîk, alternatîfê medenîyetan o ke azadîya cinîyan, hemsengîya ekolojîke û wayûbiratîya şaran hêno merkezê xo. Birînanê Rojhelatê Mîyanî ke tira gonî yena, tena no tefsîro demokratîk eşkeno weş bikero. Na çarçewe de ez hêvî kena ke munaqeşayê şima do prosesê komelê demokratîkî rê xizmet bikerê ke ma dest pêkerdo, bi heskerdişanê ke nêqedînê û silamanê xo erşawena…
Abdullah Ocalan
Îmrali.”
