Goreyê raporî yê “Karnameyê Azadîya Çapemenîye ya 2024î: Anatomîya Bêvengkerdişê Raştîye” ya Zeynep Oduncu Kutevî hadre kerd, netîceyê hêrişê Dewleta Tirke de bi pêroyî 5 rojnamegeran cuya xo dayê, 112 rojnameger ameyê binçimkerdiş û 26 rojnameger zî ameyê hepskerdiş
Wekîla DEM Partîye ya Êlihî Zeynep Oduncu Kutevî heqê teda û hêrişê serra 2024î de verba rojnameger û pîşeya rojnamegerîye de ameyê kerdiş bi nameyê “Karnameyê Azadîya Çapemenîye ya 2024î: Anatomîya Bêvengkerdişê Raştîye” rapor hadre kerd.
Rapor de Zeynep Oduncu Kutevî da zanayiş ke azadîya çapemenîye Tirkîya de bi destê îqtîdarê AKP’î ameyo dormekerdiş, îqtîdarê hewl da rojnamegeran bêveng biko, bi hedefgirewtişê rojnamegeran ra nê tena rojnameger, heqê girewtişê malûmatî yê raştî ya şarî zî hedef ame girewtiş.
Verdewamîya raporî de teda û binpêkerdişê mabênê 1ê Çele û 31ê Kanûna 2024î de verba rojnamegeran ameyo kerdiş wina ameyê rêzkerdiş;
“*5 rojnamegeran cuya xo dayê.
* 112 rojnameger ameyê binçimkerdiş.
* 26 rojnameger ameyê hepskerdiş.
* Derheqê 60 rojnamegeran de cipersayiş ameyê akerdiş.
* 33 doz û dewayê newe ameyê akerdiş.
* 872 rojnameger ameyê dariznayiş.
* 58 rojnamgeran bi pêroyî 135 serre û 7 aşm û 28 rojê hepsî ameyê dayiş.
* 261 hezar û 820 TL cezayê pereyan ame birnayiş.
* 240 rayan raştî gef, hêriş û astengkerdiş ameyê.
* Doz û dewaya tazmînatî ya bi waştişê 5 milyon û 500 hezar TL’î ame akerdiş.”
