Rayberê Şarê Kurdî Abdullah Ocalanî 27ê sibate de vengdayîşê “Aştî û Komelê Demokratîkî” kerd. Vengdayîşî ra pey şer vindert. Goreyê eşkerayî û xeberanê keyepelan vengdayîşê Abdullah Ocalanî ra pey 26 gerîla û leşkeran cuya xo vîndî kerda. Serra 2024î de zî 287 gerîla û leşkeran cuya xo vîndî kerdbî.
Rayberê Şarê Kurdî Abdullah Ocalan 27ê sibate de vengdayîşê “Aştî û Komelê Demokratîkî” kerdbi. A roje ra heta nika 9 aşmanê peyênan de 26 gerîla û leşkeran cuya xo vîndî kerda. Goreyê eşkerayîyanê PKK û TSK’yî serra 2024î de 287 gerîla û leşkeran cuya xo vîndî kerda. Goreyê daneyanê TSK’yî û xeberan serra 2024î de bi pêroyî 84 leşkeran cuya xo vîndî kerda. Mîyanê înan de 39 leşkeran qade de cuya xo vîndî kerda.
Serekê MHP’yî Devlet Bahçelî 1ê teşrîna verêne ya 2024î de Meclîs de şi hetê grûba DEM Partî û silam da Hemserek û parlamenteranê DEM Partîyî. Devlet Bahçelîyî vat, “Ma dest bi serdemêko newe kenê. Demo ke ma seba dinya aştî wazenê, ganî ewil ma aştîta zereyî aver berê.” Vatişê Devlet Bahçelî Tirkîya de bîyê rojevo sereke. Devlet Bahçelî dima ra 22ê teşrîna verêne de kombîyayîşê meclîsî yê grûba partîya xo de vengda Rayberê Şarê Kurdî Abdullah Ocalanî ke Meclîs de qisey bikero.
3 serrî û 7 aşman ra pey pêvînayîşo ewilin
Parlamenterê DEM Partî yê Rihayî Omer Ocalan 14ê tebaxe de seba ke Rayberê Şarê Kurdî Abdullah Ocalan reyde pêvînayîş bikero muracatê Wezaretê Edaletî kerdbi. Omer Ocaln 23ê teşrîna verêne de şi Îmrali. No pêvînayîş 3 serrî û 7 aşman ra pey ame kerdene. Rayberê Şarê Kurdî Abdullah Ocalanî nê pêvînayîşî de mesajêk da. Mesajê xo de vat, “Tecrîd dewam keno. Eke şert û mercan awan bikerê, hêzê mi est o ke ez problemê kurdî zemînê şer û pirodayîşî ra bianca zemînê huqûq û sîyasetî. Ez wayîrê nê hêzê teorî û pratîkî ya.”
27ê sibata 2025î de Heyetê DEM Partî yo ke Ahmet Turk, Pervîn Bûldan, Sirri Sureyya Onder, Tulay Hatimogulları, Tuncer Bakirhan, Cengiz Çiçek û Faik Ozgur Erolî ra ameyêne pê, şi Îmrali û Rayberê Şarê Kurdî Abdullah Ocalanî reyde pêvînayîş kerd. Pêvînayîşî ra pey Heyetê DEM Partî vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî raya pêroyî rê eşkera kerd. Rayberê Şarê Kurdî Abdullah Ocalanî vengdayîşî de waşt ke PKK xo fesih bikera û şero çekdarî biqedîna.
Kongreya tarîxî ya PKK’yî
Vengdayîşê Rayberê Şarê Kurdî Abdullah Ocalanî ra pey PKK’yî 1ê adare de adirbestê yewhetî eşkera kerd. 5 û 7ê gulane de Kongreya xo ya 12. kerde. 12ê gulanae de PKK’yî encamê kongreya xo ya 12. eşkera kerdê. PKK’yî dîyar kerd ke vengdayîşê Rayberê Şarê Kurdî Abdullah Ocalanî ser o 5 û 7ê gulane de qadanê cîya de kongreya xo kerda û qerarê xosefikkerdişê PKK’yî û ronayîşê çekan dayo.
Merasîmo bi heybet
11ê temmuza 2025î de 30 gerîlayê PKK’yî bi merasîmêko bi heybet Eşkefta Casenî ya Silêmanî de çekê xo îmha kerdê. 26ê teşrîna verêne de Rayberîya Têgêrayîşiê Azadîye eşkerayî daye û dîyar kerd ke înan dest bi antişê hêzanê xo yê Tirkîya û vakurê Kurdîstanî kerdo.
Vengdayîşê Aştî û Komelê Demokratîkî
Vengdayîşê Rayberê Şarê Kurdî Abdullah Ocalan ê “Aştî û Komelê Demokratîk” yê 27ê sibate ra pey -her çend TSK reyna hêriş bikera zî- mabênê PKK û Hêzanê Çekdar ê Tirkîya (TSK) de vindert. Rayberê Şarê Kurdî Abdullah Ocalan bi vengdayîşê xo vernîya mergê leşker, polîs û gerîlayn girewt.
Goreyê eşkerayîya PKK’yî serra 2024î de 203, serra 2025î de 50 gerîlayanê PKK’yî cuya xo vîndî kerde. Vengdayîşê Rayberê Şarê Kurdî Abdullah Ocalanî ra pey 11 gerîlayanê PKK’yî cuya xo vîndî kerd.
Mergê gerîla û leşkeran da vindarnayene
Goreyê daneyanê TSK û xeberanê serra 2024î bi pêroyî 84 lekeran cuya xo vîndî kerda. Mîyanê înan de 39 leşkeran qada şerî de cuya xo vîndî kerda. Serra 2025î de bi pêroyî 40 leşkeran cuya xo vîndî kerda. Serra 2025î de 20 leşkeran qada şerî de cuya xo vîndî kerda. Vendayîşê Rayberê Şarê Kurdî Abdullah Ocalan ê 27ê sibate ra pey 15 leşkeran cuya xo vîndî kerda. Nê 15 leşkeran ra 12ê ci riyê gazê metanê yê mîyanê çadiranê xo ra cuya xo vîndî kerdbî.
Vengdayîşê Rayberê Şarê Kurdî Abdullah Ocalan ê 27ê sibate ra nat 26 gerîla û leşkeran qada şerî de cuya xo vîndî kerda. Goreyê eşkerayîyanê PKK û TSK’yî serra 2024î de 287 gerîla û leşkeran cuya xo vîndî kerda. No zî mojneno ma ke vendgayîşê Rayberê Şarê Kurdî Abdullah Ocalan mergê leşker, polîs û gerîlayan vindarnayo. Aşmanê peyênan de ne gerîlayanê PKK’yî ne zî leşkeranê Tirkîya cuya xo vîndî nêkerda.
