Hemwelatijanê Amedî hediseyê şîdetî erjnayî ke demanê peyênan de zereyê komelî de qewimîyenê û wina vat: “Riyê problemanê aborî û polîtakayanê şerê taybetî ra nê hedîseyî zereyê komelî de qewimîyenê.”
Demanê peyênan de zereyê komelî de şer, şîdet û kiştiş vêşî bîyê. Gelekî kesî bi çekanê şexsî hêrişê yewbînan kenê û kiştişanê hovane kenê. Pisporî vanê ke sebebê nê kiştiş, şer û şîdetî probelmê aborî, betalî, şuxulnayîşê madeyanê hişbir û polîkayê şerê taybet ê dewlete yê. Nê problemî her ke şono vêşî benê û komel nê çîyî ra bi gazinc o.
Welatijanê Amedî zî riyê nê hedîseyan ra ke demanê peyênan de zereyê komelî de qewimîyenê, nerazîbîyayîş û derheqê ney de reaksîyonê xo îfade kerdê. Welatijan da zanayene ke kulturê şarê kurdî de şîdet û kiştiş çin o û sebebê nê hedîseyan zî problemê aborî, polîtîkayê şerê taybet û nerêxistinbîyayîş o.
