Domanê ke Kreş û Keyeyê Ewnîyayîşî yê Zarokistanê Xalxalok û Zarokistanê Perperikî ke girêdayê Mudirîya Karê Kulturî û Komelî yê Şaredarîya Peyasî de perwerdeyê zafziwanî gênê, tewrê rayîrşîyayîşêko xozayî yê bêhempa bîyê. Na çalakî Baxçeyê Hevselî yê tarîxî ke Lîsteya Mîrasê Dinya ya UNESCO’yî de ca girewta de ame organîzekerdiş û armancê ci nê bî ke domanî bi rayîrê dîyayîş û tecrûbeyê rasterastan bimusê.
Nê rayîrşîyayîşî de domanan bi hawayêko rasterast xoza dir têkilî dayî ro, ekosîstemê dewlemend ê Baxçeyê Hevselî nêzdî ra dîyê, vîrardişê dorê xo girewtî û hişmendîyê xo yê dorî bi hawayêko xorîn xurt kerdî.
Muhîmîya musayîşê bi tecrûbe
Na cografyaya kehen a Baxçeyê Hevselî ke erd, awe û cuye bi hawayêko xozayî yewbînan rê girêdayeyê, domanan fehm kerd ke pawitişê xoza bi rasti pawitişê ameyoxî yo.
Beyanato ke hetê raywanan ra ame dayene de muhîmîya çalakîye bi vatişê, “Ewro her gama ke yena eştene, semedê ameyoxî gamêka kesk a” ame dîyarkerdiş ke muhîm o domanî emrê qijî ra bi heskerdişê xoza û hişmendîyê pawitişî de aver şêrê.
Sewbîna ame neqlkerdene ke çalakîyê winasî tena hetkarîya averşîyayîşê akademîkî yê domanan nêkenê, eynî demî de hişmendîyê înan yê komelî û dore zî hîrayîn û xurtêr kenê.
