Hemserekê Pêroyî yê DEM Partî Tuncer Bakirhanî vengda îqtîdarî ke wa hinî wayîrê aştîya komelkî bivejîyo û gamanê pratîkan bierzo û vat: “Çîyo muhîm o yo semedê fermîkerdişê mutabakatê komelkî gamî bêrê eştene.”
Hemserekê Pêroyî yê DEM Partî Tuncer Bakirhanî kombîyayîşê grûba partîya xo yê meclîsî de rojevî erjna.
Bakirhani bi yadkerdişê xebatkara partî Dîlane Karaman a ke Amed de bi hewayêkê şikdarî dinaya xo bedilanyene, dest pê qiseykerdişî kerd û keyeyê ci rê serweşîye waşte.
Bakirhani bi wesîleya serrêra bombardumankerdişê Rojnameyê Ozgur Ulke vist vîrî ke bombardumanî 31 serrî xo dima verdayî û xebatkaranê çapemenîye ke dinyaya xo bedilnaye ê ardî vîrî.
Bakirhanî vat: “Pêvînayîşo ke komîsyonê meclîsî ke semedê çareserkerdişê meseleya krudan ame ronayene, Îmrlai de bi Birêz Ocalanî kerd semedê haştîye û çareserîya demokratîke ya Tirkîya merhaleya muhîm a.Verê pêvînayîşî hewce nêkerdene ke mesele hende bêro pîlkerdene. Heyet şi Îmrali û qet krîzêk nêciwîya, eqsê ci de temasî semedê çareserî bêrêko newe akerd.
Aştîya komelkî têna bi prosesê eşkera, zelal û samîmî bena. Îqtîdar ganî wayîrê nê prosesî bivejo. Ganî zabitnameyê pêvînayîşî rayapêroyî rê bêrê eşkerakerdene. Tirkîya hinî vate nê , eştişê gamanê pêten pawena. Semedê haştîya nê welatî ganî mutabaqato komelkî nuştekî û fermî bêro caardene.”
Bakirhanî ard ziwan ke çareserî têna semedê kurdan ney, berpirsîyarîya pêro şaranê Tirkîya û vat: “Ganî pêro partîyê meclîsî aktîf proses de cayê xo bigîrê. Komîsyonî ra pawitişê ma o yo ke; semedê piştişê darban, averberdişê demokratîkbîyayîşî, caardişê zemînê fermî yê prosesê çareserî raporan hazir bikero. Bi fermîkerdişê nê raporan warê haştîye yê welatî bêno hezdar hem zî verê normalbîyayîşê sîyasî beno a. Eke semedê haştîye bêrêk bîyo a, nê berî ra ganî ma pîya şirê. Bi mutabaqatê komelkî yê hîrayî Tirkîya eşkena problemanê xo yê seserran xo dima biverdo.”
Bakirhani vera vatişanê Serekê Pêroyî yê CHP’yî Ozgur Ozelî ke vera DEMî şuxulnayî hêrsê xo ard ziwan û vat: “Vatişê Sendromê Stockholmî yê Ozelî nîno qebulkerdene. No ziwanê wirdivînayîşî yê vera şarê kurdî yo. Gama ke ma meclîs de semedê haştîye qanûnî ser munaqeşe kerdêne, kuçe de cedh kerdêne ke haştîye bikerê komelkî, şima qey kursî ra şarêkî rê heqaret kenê Birêz Ozel? Wextê winayênî de ganî semedê haştîye bêro qiseykerdene, polemîkê ercanî û pêrodayîşê bêmanayî bêsîyasetîye ya. Şarê winayênî bi sendromî îthamkerdiş sîyaseto demokratîk o? Şarê kurdî rê hurmetkerdiş no yo Birêz Ozel? Ma sey şaran, bawerîyan, roşişgêran, bindestan û kedkaranê na cografya celadî zaf hol sarisnenê. Wa çew nê vîrê ser o hesabanê erjanan mekero. Zafin waşt bibê celadê ma la çew nêeşka ma bikero qûrban. Eke ma defterê Celatî akerê her kes deyndar vejîyeno. Eşkera qisey bikerê. Eke şima vera çarserkerdişê mesele yê, derg mekerê eşkera vejê.”
