Serokwekîla Koma DEM Partiyê û endama Komîsyonê Gulistan Kiliç Koçyîgît li ser çûyina Girava Îmraliyê anî ziman ku divê hemû kes giraniya mijarê bizanibe û got: “Gelê Kurd yek bi yek her tiştî dibîne û tomar dike ka kî alîgirê demokrasiyê ye, kî alîgirê aştiyê ye.”
Komîsyona Demokrasî, Xwişk-Biratî û Hevgirtina Milî ku bi rojeva çûyina Girava Îmraliyê ya hevdîtina bi Rêberê Gelê Kurd Abdullah Ocalan re civiya.
Serokwekîla Koma DEM Partiyê û endama Komîsyonê Gulistan Kiliç Koçyîgît li ser çûyîna komîsyonê ya ji bo Girava Îmraliyê diyar kir ku divê hemû alî giraniya mijarê bizanibin û wiha axivî: “Heke em dixwazin pêvajo li pêş bikeve, divê ev şert jî were bicîhanîn. Bêyî guhdarîkirina li Ocalan ne mimkûn e ku ev pêvajo bi pêş ve biçe. Ev kêmasiyeke mezin e. Gelê Kurd di qonaxeke dîrokî de ye. Gelê Kurd yek bi yek her tiştî dibîne û tomar dike; ka kî alîgirê demokrasiyê ye, kî alîgirê aştiyê ye, kî alîgirê çareseriyê ye, kî cesaret dike û berpirsiyariyê digire ser xwe. Dîrok ji hêla mirovên wêrek ve nivîsandin. Îro, em dîrokê dinivisînin, em hemî li vir bi hev re li ber deriyekî dîrokî ne; ji bo bidawîkirina pirsgirêkek sed salî. Ev pirsgirêk bi rêya siyasetê dikare were çareserkirin. Em nikarin bi dûrketina ji pirsgirêkê çareseriyek din ji dest bidin. Divê em pirsgirêkê tenê bi qada ewlehiyê ve sînordar nekin; divê em çareseriyên ku her alî çareser dikin pêş bixin. Em ê çawa vê bikin? Serokê rêxistinê heye; aktorê sereke yê vê pêvajoyê ye ku bi bangekê rêxistin bêçek kir. Gelo komîsyon dê vê rastiyê paşguh bike? Gelo dê berpirsiyariyê bigire ser xwe? Werin em li ser tiştên ku siberojê bikin nîqaş bikin. Werin em biryar bidin ka em ê girtekan parve bikin an vîdeoyê nîşan bidin.”
