Hemverfeka Komîsyonê Domanan a DEM Partî Bêrîtan Guneş Altin bi munasebetê Roja Heqanê Domanan ê Dinya dîyar kerd ke domanî yenê kiştiş û heqê înan yenê binpaykerdene û va: “Ma şexsê Ugur Kaymazî de heme domanê ke ameyê qetilkerdene yad kenê û na roje wa heme domanan rê pîroz ba.”
Komîsyonê Domanan a Partîya Têduştî û Demokrasî ya Şaran (DEM Partî) bi munasebetê 20ê Teşrîna Peyêne Roja Heqanê Domanan a Dinya merkezê pêroyî yê partî de beyanat da.
Hemverfeka Komîsyonê Domanan a DEM Partî û Parlamentera Mardînî Bêrîtan Guneş Altin beyanat de dîyar kerd roja heqanê domanan de zî binpakerdişê heqanê domanan domyeno û wina va: “Ma do reyna berpirsîyara dewleta tirkan û dewletanê ke na peymana heqanê mîyanneteweyî îmze kerda, anê vîrê înan.”
‘Domanî karanê giranan de xebitiyenê’
Hemverfeka Komîsyonê Domanan a DEM Partî Bêrîtan Guneş Altin îfade kerd ke prosesê ‘Aştî û Komelê Demokratîkî” de ê hewl danê cuyêka newe awan bikerî û wina domna: “Domanî karanê giranan de xebitiyenê û heqê înan yenê binpaykerdene. Ma vengdanê pêroyîya rayedarê dewletan û rayedarê Tirkîyaye kenî ke peynî binpakerdena heqanê domanan bîyarî û perwerdeyê fermî yê bi ziwanê dayîke yê domanan bêro dayine. Ma do bi têkoşînê xo seba ameyoxê domanan û aştîyêka mende saz bikerî.”
‘Na roje wa heme domanan rê pîroz ba’
Guneş qiseykerdişê xo wina domna: “Reyna 21ê Teşrîna Peyêne roja qetilkerdişê Ugur Kaymaz û pîyê ey o. Ma bi nê munasebetî heme domananê qetilkerdeyî yad kenî û soza xo ya têkoşînê adaletî seba înan dibare kenê. Bi qanûnan wazenê domanan êsîr bigê, wa adalet domanan a qanûnî newe ra bêrê raştkerdene. Wa doman nîrê cezakerdene, îstîsmarê domanan zî bêro cezakerdene. M abi bawerîya aştî komelê demokratîkî ke pê bîyarê do doman biresî heqanê xo, na roje wa heme domanan rê pîroz ba.”
