Ser qirkerdişê 13 serrê vîyartî la belê hema zî qetilan dîyar nîyê, Platformê Demokrasî û Keda Dêrsimî seba şermezarkerdişê Qirkerdişê Roboskî beyanatêk da û beyanat de heme dormeyan ra veng ame dayiş
Warê Seyîd Rizayî de bi beşdarîya temsîlkarê sazîyê sivîl û Wekîla DEM Partîya Dêrsimî Ayten Kordu û Platformê Demokrasî û Keda Dêrsimî seba şermezarkerdişê Qirkerdişê Roboskî beyanatêk ame dayiş.
Beyanat de wina ame vatiş: “Ser Qirkerdişê Roboskî 13 serrê vîyartî, 34 welatij bi teyyareyan ame qetilkerdiş û 17 ci doman bîyê. Nê kesê seba debara xo bêçare bazirganîya sînorî kerdinê. Bi nê qirkeridişî Dewlete verba şarê xo îxlalê heqê merdimeyî kerd û hema zî zerrîya Roboskî dirbetinêk esta. Çi heyfo ke cipersayişê Qirkerdişê Roboskî bi dozgerê lejkerî ame kerdiş û no ser zî netîce nêame girewtiş.”
Beyanat de ame dîyar kerdiş ke malbatê roboskiyîj û rêxistinê heqê merdimeyî seba heqê xo bipawê muracatê Mehkemeya Meqaqanûnî (AYM) kerdê la AYM’î na dosya kerd. Peynî zî çi heyfo AÎHM’î zî na dosya red kerd. Dejê malbatan hîna zêdîya. Na cografya zaf qirkerdişan dî, sey Dêrsim, Zîlan, Mereş û sewbîn. Roboskî zî bî parçeyê nê qirkerdişan. Eke welatêkî de heqîqet çînî bo, çew nêeşkeno demokrasî ra behs biko.”
Beyanat wina qedîya: “Ma sey platformî, na pêjavo de hetê malbatê roboskîyijan de yê, ma do têkoşîn bidê ke qetilê Qirkerdişê Roboskî hesab bidê. Ma heme rêxistinê demokratîke, partîyê sîyasî ra veng danê bêrê ma pîya têkoşîn bidê.”
