Metîn û Kemal Kahraman ke birayê yewbînan ê, şuwaranê Dêrsim ser xeylê xebitîyayê û xeylê şuwarî îfade kerdê. 25 serrî dewe bi dewe gêrayê, kilam, sanik û şuwarîş arêdayê. Kemal Kahraman, karê şuwarê xo ser o wina vano: “Şuwarê 1938î çi heyf ke tarîxê ma de çi est o, ma ra girewt.”
Kemal Kahraman, ajansa ma rê şûare û raştîye Dersim ser qisey kerd.
Kemal Kahraman wina va: “Ma 30 ser nare raver dest est lawûkane Dersîm. Zone Kirmanckî de, lawûkû sanûkû da arê. Ma ke dest eştîme cî, ma ke şîme kamcî dewa, verde kam ke bî mare şûarû vatene. 1938 ra tepa, zon û zogon, kûltûrû bîne şûare de mend bî. Ma kî sare mare zon ser sanik, gûlbeng kî pers kerdene, kilame eşq û sevda esta çîna pers kerdene, ora tepa mare vatene. Kokûmane ma de, her çi ver de şûarû ser amanê qesêy kerdene. Çira hîn bîyo, qomê ma de, her çeyî de zaf tene amo kîştene. Perûne de derd û gûle xo bîyo 38 ser. Şûare teyna derd û gûle nîye no zon ser. Tarîxe Derim de, teyna 38 ne, îye ke porodayîşê aşûrû de kî zaf şûare mûsay me.”
Hatan nîka raştîye ma şûarû ra amo zon
Kemal Kahraman qesêye xo de dîyar kerd ke xeyle sere ma zere qome ma de verde ra, zaf çi mûsay me, vatanê peyen de: “Waxtê veren de çi ke esta, je de şûarû de mûsay me. Hatan nika, raştîye ma şûarû ra amo zon. Çixa ke kitaw û belge dewlete esta, ma hetera qom ra kî şûare este. Şûarû de jûr û sîyasey çîno, çi ke esto, heq û heqîqate de amora zon. Nika, çike kî perse ma esta, şûarû de mûseme. Maq 4 ser nare raver, tarîxê Dersim ser şûare vet, herbe cîhan û herbe qore, ma sîyasetê Dersim de çî bîyo vazeme ke bîyarî me zon. Zaneme ke îtîqat û raştîyê ma, 1938 re tepa çike bîyo ne bîyo her çi zere şûare ma dero.”
