Hemsereka DEM Partî Tulay Hatîmogullarî derheqê Îmralî de qisey kerde û va ke hetanî nika waştişê têkilîya înan ê Îmralî bê cewab mendo o û ganî berê Îmralî bêrê akerdene.
Hatîmogullarî kombîyayîşê hemşaredaran de qisey kerde û îfadeyo ke “No hukmat bi waştişê qeyyûman, wazeno ma nêşê xizmet zî bikerê” ser o vinderte. Aye va ke “Vengê ma nê meseleyî de hîna zaf beno berz û ma xebatanê xo vila kenê.”
‘Ma xizmetê şarî ra nêvejîyenê’
Hatîmogullarî dewam kerd û wina vat: “Ê do biwazê ma bivindarnê la ma do hîna zaf bixebitîyê. Qeyyûmî deynan kenê, ma rê veradanê. Şarê ma na mesela zî zano û coka ma reyna weçîneno. No nîşan dano ke ma raşt ê.”
‘Ganî berê Îmralî bêrê akerdene’
Aye qiseykerdişê xo de derheqê waştişê têkilîya Îmralî de zî wina va: “DEM Partî bi hewteyano ke wazeno Îmralî reyde têkilî rona la heta nika cewabêk zî nêameyo. Ez reyna veng dana: Seba aştî û demokrasîya Tirkîya ganî meseleyê Kurdan çareser bibo. Ganî berê Îmralî bêrê akerdene û têkilî bi Ocalanî reyde bêro ronayene.”
‘Ganî ma hîna zaf rêxistin bibê’
Hatîmogullarî qiseykerdişê xo wina qedêna: “Ma vanê aştî, ê bi SÎHAyan hêrîş kenê. Ma vanê aştî, înan ra tepîştiş û girewtişî dewam kenê. Ganî ma hîna zaf têkilîya yewbînî de bê, paştî bidê yewbînî û ganî ma xo hîna zaf rêxistin bikê.”
