Davut Sularî, teberê tirkî de, ziwananê sey kurdkî (kirmanckî/zazakî), erebkî, farskî, alamnkî û fransizkî zî baş zanayêne. Ey wextê xo de çend deyîrî ziwanê kurdkî (kirmanckî/zazakî) vatê.
Davut Sularî, bi nameyo rastikên Davut Agbaba serra 1925 Erzinan, Tercan de yeno dinya. Domananê Welî û Cezayîr ra pancînan ra yew o. Mensubê keyeyo ke bi nameyê Kaltukzadeyî yeno zanayene ra yo. Kirmanc o û o bi xo zî yew qiseykerdişê xo de ney ano ra ziwan.
Davut Sularî, naznameyê sey “Serhat Âşık”, “Kemâli”, “Sümmanî”, “Selâmî” xebitnayenê û en peynîye de zî naznameyê “Sularî” girewto. Kalikê ey Kaltik Mehmet Axa şaîrê tesewifî bî. Deyîrevatiş, tenburcinitiş û şîwarevatiş kalikê xo ra museno. Des û hewt serrîya xo de dest keno ci û heta peynîya cuya xo karê hozan û şaîrîye dewam keno. Şopêk Radyoyê TRTyî de zî xebitîyeno.
Davut Sularî, teberê tirkî de, ziwananê sey kurdkî (kirmanckî/zazakî), erebkî, farskî, alamnkî û fransizkî zî baş zanayêne. Ey wextê xo de çend deyîrî ziwanê kurdkî (kirmanckî/zazakî) vatê. Deyîrê ke ey vatê nameyê ci wina yo:
– Vengê Haqî danê
– Meke
– Ha Wayîr o
Davut Sularî serra 1984 de Erzurom de rîyê nêweşîye ra wefat keno. Û reyna kenaya ey Edîbe Sularîye, 2 Temmuze 1993 de Sêwas de , Otelê Madimakî de yena kiştene.
Albumê ey:
– Bugün Bayram Günü Derler
– Üç Telli Turnam
– Sulari’ce/Davut Sulari Klasikleri
– Grafson’dan Aşık Davut Sulari Klasikleri
Kitabê ke Derheqê ci de ameyê amedekerdene:
– Ahmet Özdemir, Halk Şiirinden Seçmeler, bordo Siyah Yayınları İst. 2006 Sayfa 457
– Melih Duygulu, Aşık Davut Sulari / Üç Telli Turna, Aşık Davut Sulari Kültür ve Sanat Derneği (2022)
Deyîranê Davut Sularî vatê ra nimûneyêk:
Ha Wayîr o
Ha wayîr o ha wayîr o ha wayîr o ha wayîr o
Tu kî cedê celalî mi pers kena
Çelê zimistan de bax-bostan ramito
Da Duzgin o, da Duzgin o, dê bê dê bê dê bê da Duzgin o
Ezo şîyo dîyarê hewse
Hewsa kalikê mi pêrû kasê
Tu kî cedê-celalê mi na
Min ê seyît kekil ra biase
Da Duzgin o, da Duzgin o, dê bê dê bê dê bê da Duzgin o
Mi meverde babokê sarî
Cêrêno tu ver ro Davut Sularî
Tu ke wayîrê min a Duzgin
Qiymet Heq de rew bê rew bê
Da Duzgin o, da Duzgin o, dê bê dê bê dê bê da Duzgin o
Yê ke tewr zaf wanîyayî
