DEM Partî seba serrgêra qirkerdişê Garê Ankara ya 10ê Teşrîna Verêne 2015î beyanatêk eşkera kerd û îfade kerd ke ê do xeyalanê aştîye û demokrasîye yê înan ê ke nê qirkerdişî de cuya xo daya, rast bikerê.
Merkezê Heyetê Rayberdişî yê DEM Partî beyanatî de va:
“10ê Teşrîna Verêne 2015î de, Garê Ankara de bi hezaran însanan ser o ke seba Mîtîngê Kede, Aştîye û Demokrasîye heme cayanê Tirkîya ameybî, çeteyanê DAÎŞî qirkerdişêk kerd. Nê qirkerdişî de 103 hemwelatîyanê ma cuya xo daye, 419 însanî zî birîndar bîyî. Nê qirkerdişî ser ra 10 serrî vîyartî.
Kiştox û paştîya înan ma zaf baş şinasnenê. Nê welatî de tarîxê qirkerdişan est o. Kiştoxî û paştîya înan, 10 serran ra ver bi nê qrikerdişî waşt kee hêvîyanê ma biqedênê û ma erdanê ma de ma ser o teda û zulmî ferz bikerê. Amancê înan i bingeyin mabênê şaran de dişmenîye zêde bikerê û sîyasetê şer û zulmî domdar bikerê.
Labelê wayîrê nê hişmendîyê tarî, heme têkoşînî û hêrîşî reyde sernêkewt. Nêeşkayî têkoşînê ma yê kede, Aştî û demokrasîye de gamêk apey bidê eştene.
Serrgêra qirkerdişî ya desine de, seba ke prosesê Aştîye û komelê demokratîkî bireso serkewtişî têkoşînê ma her warî de dewam keno. Ma heta ke kiştoxanê raştikênan ra hesab nêpersê ma do têkoşînê xo dewam bikerê.”
