Alî Haydar Elyakut o ke 32 serran ra ame veradayene vat: “Heta ke berê Îmraliyî nêabê, embazê ma azad nêbî, aştî kêm a.”
Girewteyo bi nameyê Alî Haydar Elyakur ke 17 serrîya xo de Amed de amebi girewtene, 24ê êlula 2025î de 32 serran girewte mend, Hepisxanaeyê Tîpê T’yî yê Karabukî ra veradîya. Alî Haydar Elyakut bi dore Hepisxaneyanê Amed, Semsûr, Amasya, Kirikkale, Îzmîr, Anqara û Karabukî de ame girewtene. Cezaya Alî Haydar Elyakutî 2 serrî yo riyê manayanê cezaya disîplînî ameyêne taloqkerdene.
Keyeyê ey 24ê elule de vernîya hepisxaneyo ke ameyo veradeyene, uca de ey pêşwazî kerd û ver bi Amed kewtê rayîr. Alî Haydar Elyakut ewro dimayê nêmrojî saete 15:00î de vernîya Parormanî yê qezaya Peyasî de bi beşdarîya endam û temsîlkaranê TUHAY-DER, MED TUHAD-FED, DBP, DEM Partî û xeylê kesan, bi girseyî ame pêşwazîkerdene. Girse xeylê reyan sloganê “Bijî berxwedana zindanan” vat.
‘Heta berê Îmraliyî nêabê aştî kêm a’
Pêşwazîkerdişî ra pey Alî Haydar Elyakutî qiseykerişêko kilm kerd û wina vat: “Heta ke berê Îmraliyî nêabê, embazê ma azad nêbî, aştî kêm a. Teber yan zî zere seba ma astengî nîyê. Ma do seba Prosesê Aştî û Komelê Demokratîkî karê xo hîna xurt bikerê. Çi wext komel azad bo ma do o wext azad bibê. Biciwîyo xoverdayîşê şarê ma.”
