Hûmara 82. ya Kovara Vateyî ke hetê Grûba Xebate ya Vateyî ra yena amadekerdene, weşanîyaye.
Serra 1996î de çend kirmancê ke bi kirmanckî (zazakî) nusenê û mintiqayanê cîya-cîyayan ra yê, paytextê Swêdî Stockholm de bi nameyê Grûba Xebate ya Vateyî yew grûbe ware arde (teşkîl kerde). Grûbe 1996î ra heta 2023î Ewropa û welat de 36 kombîyayîşî kerdî. Nê kombîyayîşan de qaydeyê rastnuştişî tesbît bîy û seba standardîzekerdişê nuştişê kirmanckî xebate bîye. Na xebate de, çekuyê ke ziwanê rojaneyî de tewr zêde ênê xebitnayene amey standardîzekerdene. 10.000î ra zafêr çekuyê bingeyênî û 60.000 varyantê înan amey etudkerdene û seba ziwanê nuştekî formê çekuyan yê standardî amey weçînitene.
Grûba Xebate ya Vateyî serra 1997î de kovara Vateyî weşanaye û na kovare heta nika 82 hûmarî weşanîyayê. Nînan ra 20 hûmarê verênî Swêd de weşanîyayê. Serra 2003î de ke Weşanxaneyê Vateyî Îstanbul de ame awankerdene êdî kovare hetê nê weşanxaneyî ra ameye weşanayene. Kovara Vateyî kovara kirmanckî ya yekta ya ke 1997î ra hetanî 2025î, 27 serrî bêvind weşanê xo domnena û edebîyat û kulturê kirmanckî rê xizmet kena.
Nê endamanê Grûba Xebate ya Vateyî, redaksîyonê kovare de ca girewto:
M. Malmîsanij, serredaktorê kovare (1-34)
2. M. Selîm Uzun, redaktorê kovare (1-34) û (40-43)
3. J. Îhsan Espar redaktor (1-34) û serredaktorê kovare (44-…)
4. Haydar Diljen, redaktorê kovare (1-23)
5. Cemîl Gundogan, redaktorê kovare (1-4) û Mîzanpajê kovare: (1-20)
6. Munzur Çem, serredaktorê kovare (35-43)
7. Deniz Gunduz, redaktorê kovare (35-39)
8. Serdar Bedirxan redaktorê kovare (35-39)
9. Nadîre Guntaş Aldatmaz redaktora kovare (44-…)
10. Nureddîn Celalî redaktorê kovare (40-…)
