Komela Mezopotamyayî dîyar kerd ke Heyva Sor a Sûrîya nêverdana ke hetkarîyê ke seba Siwêda ameyê komkerdene, şêrê.
Komela Mezopotamyayî derheqê rewşsa peyên a Kampanyaya “Seba şaranê ma yê başûrê Sûrîya û Siwêdayî paştî” de eşkerayîyêk daye.
Eşkerayî de nê agahî ameyê parekerdene:
“Seba ke ma paştîya xo danê rastî û zelalîya vera bexşkeran, hetanê hetkarî û dezgehanê hukmatê yê wezîfedaran, ma vînenê ke wezîfeyê ma yo ke ma hedîseyanê peyênan ê derheqê “Kampanyaya Seba Şaranê Ma yê Başûrê Sûrîya û Siwêda yê Mexdûran Paştî” şima rê û raya pêroyî rê zelal bikerê.
Sey karwano yewin, komkerdişê qaseyek lazimtîyanê werdî, Komela Mezopotamyayî roja 1ê tebaxa 20253î de verê xo da Şamî.
Komele 55 ton lazimtîyê werdî yê serekeyî girewtbi xo het.
Na game zî bi koordîneyêko tam û bi waştişêko fermî yê Wezaretê Kar û Baranê Komelkî ya Şamî ke xebatêka girde seba resnayîşê hetkarî ameye kerdene.
Çi heyf ke riyê kêmbîyayîşê lazimtîyanê werd û weşî, Siwêda û Başûrê Sûrîya rewşêka merdimî ya zehmetî ra vîyarenê.
Goreyê qerar û qebulkerdişanê fermî, qerar bi ke koordîne mabênê komela ma û Heyva Sor a Erebî Sûrî de biba ka karwan vîyaro herêmanê ke zerar dîyo û dimayê qebulkerdişanê ewlekarî û koordîneyê hetanê herême reyde, bi rengêko koordînekerde hetkarî bêra vilakerdene.
Labelê ma hemverê waştişê Heyva Sor a Erebî mat mendê. Aye waşt ke pêroyê hetkarî bigîra û goreyê xo vila bikera. Bêyî ke destûr bida xebatkaranê ma yê ke do vilakerdişê hetkarî de ca bigîrê. No zî vera bawerîya mabênê ma, het û kesanê hetkarî daya, înan de ya.
Goreyê nê heta formulêk seba beşdarîya ma ya rasterast mekanîzmayê vilakerdişî de bêra teqezkerdene, ma qerar da ke no karwan hetkarî bigîra û agêra Hesekê.
