Fermandarê Meclîsê Leşkerî yê Siwêdayî Tariq El Şofî îzeh kerd ke hêzê hêrişkerî adirbestî binpay kenê. El Şofî dîyar kerd ke Swêda bîya yew şaristanê felaketî û vengdayîşê paştîdayîşê mîyanneteweyî yê lezûbezî û hetkarîya însanî kerd.
Fermandarê Meclîsa Leşkerî ya Siwêdayê Tariq El Şofî, bi telefon ajansê ANHA’yî rê derheqê rewşa Siwêda de melumatî dayî.
Mal û mulkê welatijan veşnayî
Tariq El Şofî ard ziwan ke rewşa meydanî ya Swêdayî ewle nîya û wina va: “Hêzê ke hêriş kenê, adirbestî rê pabend nêbîyî û dewanê serê enîyanê şerî de vera sîvîlan hêriş kerd. Nê binpaykerdişî bi veng û dîmen ameyê belgekerdiş.”
El Şofî îzeh kerd ke hêzê ke hêriş kenê û hetkarîya xo hêzanê hukmatî ra gênê, berpirsîyarê nê binpaykerdişan ê û nê agahîyî dayî: “Hetanî nika hêrişî newe kerdî. hêrişkaran ke mal û mulkê welatijan bi temamî veşnayî, xususen dewanê Rîma Hazim û Um El Zeytûn de, hêz û endamê xo zêde kerdî.”
Çareserîyêkê peyênî paweno
El Şofî ard vîrî ke pêro dewanê ke kewtê binê kontrolê çekdaranê hêrişkaran, veşnayîş û talankerdişê keyeyan û mulkanê şênîyan qewimîyayî û va; seba ke pêkewtişî zêde nêbo, Meclîsê Leşkerî yê Swêdayê hema xo ver dano û çareserîyêkê peyênî paweno.
El Şofî waşt ke zextanê xo serê hêzanê hêrişkaran zêde bikerê da ke pabendê adirbestî bibê. Her wîna ard ziwan ke derheqê remnayîş û qirkerdişê sîstematîk ê vera dûrzî, xirîstîyan û kêmîneteweyanê bînan de zaf raporî rêxistinanê mîyanneteweyî rê ameyî şirawitiş û peynîya qiseykerdişê xo de va: “Swêda bîya yew şaristanê felaketî. Herême pêro hetan ra ameya dorpêçkerdiş. Ma veng danê ke bi lez hetkarîyê tibî û merdimî herême rê bişirawê.”
