Aktîvîstên Tevgera Jinên Azad (TJA) li dijî tundiya mêr û dewletê li Mêrdînê meşeke girseyî pêk anîn.
Bi sedan aktîvîstên TJA, DBP, DEM Partî û nûnerên saziyên civakî bi boneya tundiya mêr û dewletê şermezar bikin li pêş ÎLDO ya Navenda Mêrdîn kom bûn û heta Karayollari meşiyan. Jinan di meşê de bê navber dirûşmeyên Jin Jiyan Azadî berz kirin. Jinan di meşê de pankarta mezin a “Li dijî tundiya mêr-dewletê Jin Jiyan Azadî” vekirin û meşiyan. Girseya ku di pêyengiya TJAyê de meşiyan, li Parka Karayollari daxuyanî dan. Komê li vir dowîzên “Ziman xeta me ya zor e”, “Huner lêgerîna heqîqetê ye” û Stranên me bîra me ye” rakirin.
Girse piştî gihişt Parka Karayollari li vir daxuyanî dan. Li ser navê TJAyê Berdevka TJA Xecê Oncu daxuyanî xwend. Xecê Oncu anî ziman ku ev bûyera pêk hatiye ne bûyereke tekakesî ye û li dijî çand, ziman û nasnameyê pêk hatiye û wiha got: “Ev êrîş 100 sal in wisa didome. Divê êdî ev feraset bê guhertin û bi feraseta ekolojîk, demokratîk û azadiya jinê ji nûve bê avakirin. Ev êrîş encama polîtîkaya înkara nasnameyê ya 100 salî ye. Ev polîtika civakê jahrînî dike û rê li pêş aştiyeke mayine digire.”
Girseyê piştî daxuyanî da bi çepik û tilîliyan belav bûn.
