Îtîqatî Kirmancîye Dersîm dê, jar û dîyar zafê. Sarê Dersîm waxtê veren û nika sonê jar û dîyarû ser, raştîyê xo hîn ramene. Tayê caê de darê mojên, taye caê de awe, kemer û gole, taye caê de kê koê, derwîşû, maê, pî û khalîk înû ra raê benê
Gola Ana Buyerê înûra juya. Gilê koê Pîlemorî de ra. Çîxa ke sukere xeylê dûrû ya, tewer û zere Mamekî de meymane xo zafa.
Hesen Demîr, naskerdena Gola Ana Buyerê Vano kê: “Ana Buyere, Haskare, Jele, Wae Bawa Dûzgûna. Haskare nejdîye Mamakî de, Jele, chemê Şerxanûde, Buyere Pîlemorî. Sarê khanî, sare nika yene naê jar ser, nîyaz pozene, çîle fînera cî, qirvan ane sere jarê, Mînete kene.”
Çewres Ser Thepa Amayene Gola Ana Buyerê.
Hesen Demîr, Çewres ser naveramo na jar ser: “Sarê ma sevetene îtîqat ser zaf amey Gola Ana Bûyere. Dorme îta pir bî. Nika ma der û cîrane xore pîya ameyme zaf bîyane sae.”
Demîr, vazeno ke, qome ma, zone xore, zagonê xore, jîar û dîyarene xore waîr vejîyo. Welatê ma zaf rindeko. Kam ke raştîye xo nas kerdî, xo kê nas keno.
