Komîsyonê Ziwan, Kultur û Hunerî yê DEM Partîye, astengkerdişê hesabê ma yê Înstagramî ra bertek nîşan da. Komîsyonê DEM Partî dîyar kerd ke no nêzdîbîyayîş bêtehamulîya vera kurdkî ya.
Platformê medyaya dîjîtalî yê Înstagramî, bêsemed hesabê ajansê ma; Ajansa Welat asteng kerd. No nêzdîbîyayîşê Înstagramî ver ra Komîsyonê Ziwan, Kultur û Hunerî yê DEM Partîye bertek nîşan da.
Komîsyonê DEM Partîye hesabê xo yê X’î nê mesajî pare kerd: “Hesabê Înstagramî yê Ajansa Welatî ke yewane ajansê xebaran ê bi ziwanê kurdkî, Tirkîya û Kurdistan de yo û bêsemed ameyo girewtiş. Ma no nêzdîbîyayîş sey bêtehamulîya vera ziwanê kurdkî vînenî û qebul nêkenî.”
