Vîdeoyê Rayberê Şarê Kurdî Abdullah Ocalanî ke 26 serran ra pey ame weşanayene, çapemenîya dinya de gulbang da û medyaya dîjîtale ser o bi TT.
Rayberê Şarê Kurdî Abdullah Ocalan çarçewaya “Vengsayîşê Aştî û Komelê Demokratîkî” de vengdayîşêko tarîxî kerd û no vengdayîşo bi vîdeo hetê Ajansê Xeberan ê Firatî (ANF) ra ame weşanayene. Vengdayîşo tarîxî yo ke saete 09:00î de weşanîya, her kesî vernîya televîzyonan de kom kerd. Vîdeoyê Abdullah Ocalanî yê ke 26 serran ra pey ameyê weşanayene, çapemenîya dinya de gulbang da û platformê medyaya dîjîtale X’î de bi trend topîc (TT).
Rayberê Şarê Kurdî Abdullah Ocalanî 26 serran ra pey Hepisxaneyê Îmrali ra bi vîdeo vengdayîşêko tarîxî yo newe kerd. Vengdayîşê Abdullah Ocalanî çapemenîya dinya de aleqeyêko gird dî. Xeberanê ke çapemenîya dinya de ameyê kerdene, sernuşteyanê “Vîyartişo Demokratîk” û “Komîsyono ke ganî Meclîs de bêro awankerdene” rê bale ameye antene.
Reuters: Gamêka tarîxî
Ajansê Xeberan ê Reutersî bale ant vengdayîşê Abdullah Ocalanî yo vîyartişê sîyaseto demokratîk ser o. Qerarê PKK’yî yê Kongreya 12. sey “gamêka tarîxî” pênase kerde û bale ant pêşnîyazê Abdullah Ocalanî yo “awankerdişê komîsyonî.”
RFI: Bi hewayêko zerrîwaz vîyartişê merheleya demokrasî û huqûqî yo
Weşangerê raya pêroyî yê Fransayî Radîo France Înternatîonale (RFI), bi sernuşteyê “Rayberê PKK’yî dîyar kerd ke prosesê bêçekkerdişî do bi lez bêro kerdene” xebere pare kerde. Ca dîya nê vateyanê Abdullah Ocalanî: “Merheleya têkoşînê biçeke ra vîyartişê bizerrîwazî yê merheleya sîyasetê demokratîkî û huqûqî yo. (…) Detayê ronayîşê çekan do bêrê dîyarkerdene û lezabez do bêrê caardene.”
BBC: Çareserîya bêçeke
Xebera BBC’yî de bale ancîya vatîşanê Abdullah Ocalanî yê sey “çareserîya bêçeke” û “vîyartişo demokratîk” ser o. Xebere de ame dîyarkerdene ke, seba eşkerayî rayberanê rêxistine yê berzan ra paştî ameya dayene, Ewropa ra tayê şîroveyê pozîtîfî ameyê parekerdene; la Anqara ra hema cewabêko fermî nêameyo dayene.
The Independent: Ez hêzê çekî ra ney, hêzê sîyaset û aştîya komelkî ra bawer kena
The Îndependentî bale ant vengdayîşê Abdullah Ocalanî yê komîsyona ke do Meclîs de bêra awankerdene ser o û ca da nê vatişanê Ocalanî: “Ez hêzê çekan ra ney hêzê sîyaset û aştîya komelkî ra bawer a. Û ez venga şima zî dana ke şima zî nê krîteran bîyarê ca.”
Devdiscourse: Ocalanî ra vengdayîşê bedilîyayîşo demokratîk
Platformê analîz û xebere Devdiscourse xebera xo ya bi sernuşteyê “Ocalanî vengdayîşê bedilîyayîşo demokratîkî kerd, têkoşînê biçek yê PKK’yî qedîya” de bale ant pêşnîyazê komîsyono ke ganî Meclîs de bêro awankerdene.
Euronews eşkerayîye bi vatişanê, ‘Têkoşînê PKK’yî qedîya û prosesê bêçekkerdişî do demêko kilm de dest pêbikero’ pare kerd.
The Jarusalem Post – The Strait Times: Vîyartişo demokratîk
The Jarusalem Post ve The Strait Times zî xebera ke daye, tede ca da vatişê Abdullah Ocalanî yê “vîyartişo demokratîkî.”
