Hepisxaneyê Evînî yo ke Tahran de yo û xeylê girewteyê sîyasî yê kurdî zî tede yenê girewtene, bi amancê hêrişanê teyareyanê şer ê ÎsraîlÎ.
Goreyê xebera RojNews’î; ame zanayene ke çimeyanê herême dîyar kerdo ke teyareyê şer ê Îsraîlî şand Hepisxaneyê Evînî yo ke Tahran de yo û girewteyê sîyasî tede yenê girewtene, bombarduman kerdo.
Vengê teqîyayîşanê pîlan ameyo eşnawitene û hepisxane ra duman berz bîyo.
Goreyê vîdeoyanê ke ameyê vilakerdene, yeno vînayene ke Hepisxaneyê Evînî ameyo bombardumankerdene. Goreyê tayê agahîyan yeno vatene ke hepisxane 18ê hezîrane de ameyo bombardumankerdene. La derheqê tarîxê hêrişî de agahîyêka zelale nêameya girewtene.
Hêrişî ra pey rayedaranê hepisxaneyê, şîyayîş û ameyîşê hepisxaneyê girewto û xeylê ambulansî sewqê hepisxaneyî kerdê.
Erjeno merdim vajo ke zereyê hepisxaneyî de xeylê sîyasetmedar, rojnameger, çalakîkerê heqê merdiman û welatijê xerîbî yenê girewtene.
Derheqê hedîse de heta nika rayedaranê Îranî ra eşkerayîyêk nêameya, Îsraîlî zî derheqê hedîse de agahîyêk pare nêkerda.
