Franzîska Stîer ke paştî daye kampanyaya “Ez Wazena Abdullah Ocalanî bivîna “ û wina va: “Ma tewrê kampanya benê seba ke hêvî dana. Konfederalîzmo demokratîk seba ke merdimî mîyanê aştî de biciwîyê rayîrêko sîyasî mojneno.”
Nameyê Partîya BastA! ya Swîsreyî ser o ke dîyar kerdbi ke paştî dana kampanyaya “Ez wazena Abdullah Ocalanî bivîna” ke Forumê Azadî û Aştî yê Ewropayî (EFFP) dayo destpêkerdiş, Sekretera Pêroyî Franzîska Stîer ke tewrê kampanya bî, derheqê babete de qisey kerd.
‘Pêro vengdayîşê pêkerdişî muhîm ê’
Franzîska Stîer dîyar kerd ke wezaretê edaletî rê mektubî nuştê û semedê vînayîşê Abdullah Ocalanî destur waşto û va: “Bi no hewa ma eşkenê fikrê ey bieşnawê û hêvîya aştî xurt bikerê. Bi vengdayîşê ci yê aşma sibate de amekerdiş, PKK’yî qerarê fehsikerdişî da û heto bîn ra zî vengdayîşê semedê çarserî keno. Na gamêka xeylê muhîm a. Ma pêro vengdayîşanê seba pêkerdişî xeylê muhîm vînenê. No semedê ma pêrûne derbazdar o.”
‘Hewcedarîya dinya û cinîyan bi aştî est a’
Franzîska Stîer wina va: “Hewcedarîya pêro dinya bi aştî est a. Ya cinîyan bi aştî est a. Şer tehdîd o. Pêro merdiman yewbînan ra keno. Gedeyanê ma kenê hacetê şerî. Semedo ke ma şerî ra zaf tesîr benê.”
‘Mesajêko zelal erşawit’
Franzîska Stîer tewr peyên wina va: “Pêro butçe şerî rê yena xerckerdiş. Her kes verê xo dano çekan. Nê semedî ra vengdayîşo ke Birêz Ocalanî kerdo xeylê muhîm o û mesajêko zelal o. Ma tewrê kampanya benê, semedo ke hêvî dana. Konfederalîzmo demokratîk semedê merdimî mîyanê aştî de bicîwîyê rayîrêko sîyasî mojneno û vengdayîşê aştî zî pêwa pêro rîskan, îradeyê pratîkî dano orte.”
