Rixmo ke wextê veradayîşê Nurcan Aslan a ke Hepisxaneyo Girewte yê Cinîyan ê Erzîncanî de yena girewtene ameyo zî, nêyena veradayene. Veradayîşê aye 3 aşmî ame taloqkerdene.
Veradayîşê Nurcan Aslan a ke Hepisxaneyo Girewte yê Cinîyan ê Erzîncanî de yena girewtene, seba 3 aşman ame taloqkerdene. Desteyê Îdare û Çimdarîyê yê Hepisxaneyî dîyar kerd ke veradayîşê aye bi manayanê “Aye do seba ewleyîya komelî tehdît biba, amade nîya ke bikewa mîyanê komelî”, “Rewşa aye ya başe çin a” û “Aye de nîşaneyê poşmantî çin o” ameyo taloqkerdene.
Nurcan Aslan a ke qezaya Nisêbin a Mardînî de demê xoverdayîşê rayberîya xosere de ameye girewtene, dîyar kerd ke lijne bêyî ke aye reyde pêvînayîş bikero, raporî amade kerdo. Goreyê vatişanê Aslan veradayîşê xeylê girewteyan ameyo astengkerdene.
