Polîsanê Îraqî dest da awanîya Şaredarîya Şarî ya Girzêrik a Şengalî ser o. Rixmê heme hewldayîşan zî hêzanê polîsan şaredarî ra nêvejîyenê û şaredarî nêeşkena xizmetê şaro ke agêrayo Girzêrikî biko.
Goreyê xebera ajansê RojNews’î hêzanê polîsanê Îraqî dest dayo awanîya Şaredarîya Şarî ya komelgeha Girzêrik a Şengalî û nêverdanê ke no ca seba xizmetê şarî bêro şuxulnayene.
Goreyê agahîyan nê polîsê Îraqî bêyî le tu belge yan zî maneyêk bimojnê, demo ke karkerê şaredarî tetîl de bîyê, hêzê xo berdê uca û ê uca de bi ca kerdê.
Ame dîyarkerdene seba ke babete bêra fehmkerdene, xeylê hewldayîşî hetê Rayberîya Xosere ya Şengale ra ameyê kerdene la polîsan tena vato ke înan rê fermanêk ameyo dayene ke uca de bi ca bibê.
Çimeyanê RojNews’î dîyar kerd ke hêzê polîs bi telîmatanê hêzanê artêşê Îraqî ke herême de yê, vîyartê merkezê şaredarî bîyê.
Erjeno merdim bîyaro vîr ke 10ê adara 2025î de Rayberîya Xosere ya Şengalî dewa Girzêrik ke girêdayeyê Til Izêr a, seba ke xizmetê şarî bikera û bieşka lazimtîyanê keyeyanê neweyan uca bi ca bîyara, şaredarî akerdbî.
