DEM Partîye Roşanê Qurbanî ser o mesajo nuştekî pare kerd. Mesaj de ame vatiş ke: “Bi nê bawerî û hêvîyan ma Roşanê Qurbanî yê 86 mîlyon welatîyanê xo pîroz kenê û hêvî kenê ke no roşan seba ma hemînan aştî, azadî û seyyewbînîye bîyaro.”
Bi ameyîşê Roşanê Qurbanî ser o heme sazî û dezgeyî mesajê pîrozkerdişê roşanî pare kenî. DEM Partîye bi wesîleya ameyişê Roşanê Qurbanî mesajo nuştekî pare kerd.
Mesajê DEM Partîye wina yo:
“Ma hêvî kenê ke Roşanê Qurbanî seba ma hemînan aştî, azadî û seyyewbînîye bîyaro. Roşanî seba parekerdişê dejan, girdkerdişê umîdan û xurtkerdişê yewbînîgirewtiş û biratîye wextê zaf erje yê. Welatê ma demêkê zaf zehmetî ra ravîyareno. Nê semedî ra hewcedarîya ma her wextî ra vêşêrî bi hêzê aştîye yê roşanan est o. Nê rojê erjeyê anê vîrê ma ke cuya pîya, aştîya komelkî û ameyoxêko demokratîk mumkun o. Ma welatêkî xeyal kenê ke nasname, bawerî û ziwanê cîyayî bi hawayêko azad û seyyewbînî tede pîya biciwîyê. Kurd, Tirk, Elewî, Sunnî, Ermenî û Asûrî… Ma xoverdayîşê xo seba komarêka zafhetî û demokratîk domnenê ke heme şarê nê erdan wayîrê heqanê seyyewbînî bê û çi kes semedê bawerî, ziwan yan zî nasnameya xo zilm û zordarîye nêvîno. Bi nê bawerî û hêvîyan ma Roşanê Qurbanî yê 86 mîlyon welatîyanê xo pîroz kenê û hêvî kenê ke no roşan seba ma hemînan aştî, azadî û seyyewbînîye bîyaro.
Tülay Hatimoğulları – Tuncer Bakırhan
Hemserekê Pêroyî yê Partîya DEMî
5 Hezîrane 2025”
