AÎHM encamê muracatanê seba kesanî ke Cizîr de demê qedexayanê teberî de cuya xo vîndî kerda, Tirkîya ra mudafa waşt.
Qedexeyî vejîyayîşê teberî de ke qezaya Cizîrî ya Şirnexî de serranê 2015 û 16î de ameyêne kerdene û nê qedexeyan de ke 137 însanî cuya xo vîndî kerde, seba îhlalanê heqanê însanan ke qewmîyayî, muracatî ke mehkemaya Heqanê Însanan ya Ewropa rê (AÎHM) ameyê kerdene, encamê înan de roniştiş 13 teşrîna verêne ya 2019î de amebi kerdene. Mehkemaya ke Fransa de şaristanê Strasburg de esasanê qebulkerdene ser o ameybî vînayene, AÎHM’î roniştişê ser o qerarê xo îlan kerd û dewa sey “qebul nêbena” dîbî.
Avûkatan qerarê redî yê Mehkemaya Qanûno Bingeyîn (AYM) ser o reyna muracatê AÎHM’i kerd. AÎHM 22 hezîrane de bi teblîxato ke kerd, Tirkîya ra mudafa waşt.
Avûkatanê dosya ra Ramazan Demîr derheqê babetî de nê parekerdişî kerd: “Qedexeyanê vejîyayîşê teberî û dosyaya bodrumanê Cizîrî reyna rojevê AÎHM’î de yê. AÎHM 2019î de qerarê vindertişê prosesê AYM’yî dabi. Qerarê redî yê AYM’yî ser o ma reyna muracatanî ke ma kerd de, AÎHM’î bi teblîxato ke 22 hezîrane de kerd, hukmatî ra mudafa waşt.”
